နွားရိုင်းဂီတ

မီးတောင်တစ်လုံး ၀ုန်းကနဲ ပေါက်ကွဲသွားသလို
မီးကျည်းမီးခဲတွေ အရှိန်နဲ့ ပန်းထွက်လာသလို
ချော်ရည်ချော်သားတွေ တပွက်ပွက်ဆူနေသလို
အဲဒီပုဝါစလွင့်တိုင်း
သူ့ဒေါသတွေ ၀ုန်းဒိုင်းဆန်နေခဲ့..။

အမြင်အကြည့်တိုင်းမှာ
အနီတွေ တရဲရဲပွင့်လို့..။

ဒါဟာ သူ့အတွက်
စိတ်အပန်းဖြေရုံသက်သက် သည်းထိတ်ရင်ဖိုပြကွက်မဟုတ်
အလျော်အစား ငွေကြေးနဲ့ စွန့်စားခန်းသရဖူမဟုတ်..
ရိုးရာယဉ်ကျေးမှု အသက်သွင်းဆက်ခံခြင်းအနုပညာမဟုတ်
ဒါဟာ
သူ့အတွက်
အတုံ့အလှည့်
ရန်ကြွေး
ဘ၀ချင်း အလဲအထပ် စစ်မြေ စစ်တလင်းသာဖြစ်တယ်.။

သူ့မှာ
မေ့ဆေးသေနတ်မရှိ
လှည့်ဖြားသွေးဆောင်ခြင်းပရိယာယ်မရှိ
ထူးခတ်ကျုံးသွင်းခြင်းနည်းနာမရှိ
ပိတ်လှောင်ထူထဲတဲ့ ထောင်နံရံတွေမရှိ
ကြီးမားမြဲမြံတဲ့ သံခြေကျင်းတွေမရှိ
အထူးတန်းပွဲကြည့်စင်နဲ့ အသင့်အနေအထားလက်ဖြောင့်တပ်သားမရှိ
ညာသံပေးဂီတနဲ့ ယစ်မူးရှတ ရှန်ပိန်ညတွေမရှိ

မရှိ
သူ့မှာ...
ဘာဆို...ဘာ...မှ...မ..ရှိ...
သူ့လျှင်မြန်မှုတွေသာ သူ့သက်စောင့်ဒေ၀တာ
သူ့ကြွက်သားတွေသာ သူ့သစ္စာ
သူ့ရုန်းထွက်လွတ်မြောက်လိုခြင်းသာ
သူ့နှာသီးဝမှာ တ..ဟူး..ဟူး.ပြင်းပြတုန်ခါလို့..

အနိုင်အရှုံးဆိုတာ သူ့အတွက်
အသေထွက်ချည်းလဲဖြစ်နိုင်ချိန်..

အနီတွေ တ ရဲ ရဲ ပွင့် နေ ပြီ
သူ့ကျောပေါ်
သူ့စိတ်ပေါ်..
သူ့ဘ၀ပေါ်..
စီးနင်းကျူးကျော်သမျှအားလုံး..
ဒီကနေ့
ဟောဒီ့ကွင်းပြင်စိမ်းပေါ်ကို..
အပြီးသတ်ခါချပစ်လိုက်ဖို့......

အသင့်အနေအထား
သူ့သိက္ခာတရားက
သူ့ချိုဖျားမှာ တည်နေတယ်..။

အိန္ဒြာ(၁၀.၁၁.၂၀၀၉)

ခရီးထွက်ခါနီး မအားလပ်တဲ့ကြားက
အသံပါပူးတွဲခံစားလို့ရအောင် အသံထွက်တဲ့ ကဗျာအဖြစ်
နွားရိုင်း ဂီတ ကို ခံစားရွတ်ဆိုပေးခဲ့တဲ့
ကိုရင်နော် ကို
ကျေးဇူးအထူး တင်ပါတယ်..။