ကဗျာရေးသလိုလို

အင်အားတစ်ခုခု အရှိန်နဲ့ဆောင့်ဝင်လာသလို

ပါးပါးလျားလျား လွင့်ဝဲယှက်ဖြာနေတဲ့ ရနံ့တစ်ခုလို
သိုသိပ်ကျစ်လစ်တဲ့ ပန်း ပွင့်လာပုံကိုစောင့်ကြည့်နေရသလိုလို

(သံခင်းတမန်ခင်းဆန်ဆန် ခပ်သဲ့သဲ့ပြုံးပြလိုက်ရုံ
အသွားထက်မြနေတဲ့ဓါးသွားဆိုတာ နေရောင်မှာထောင်ကြည့်လိုက်ရုံ ခေတ်)
အဲဒီ့တစ်ခေတ်လုံးကို ကိုင်လှုပ်ပစ်လိုက်သလိုလို ခေတ်က ကိုယ့်ကို ကိုင်လှုပ်လိုက်တာလိုလို
ခေတ်နဲ့ကိုယ် ရောယိမ်းလိုက် ဘသားယိမ်းလိုက်ဆိုသလိုလို

ရင်ခုန်ယစ်မူးရူးနှမ်းဆွတ်ပျံ့ဖွယ်ရာ ခရမ်းနုရောင်အိမ်မက်ဦးလို
ဘိုဟီးမီးယမ်းဆန်ဆန် မလိမ်မိုးမလိမ်မာအတွေးလေးတစ်စလို
ဘာသာစကားနဲ့စကားလုံးတွေကိုတယုတယထိုင်မျှားနေမိသလိုလို

ဖြိုင်ဖြိုင်သည်းနေတဲ့ မိုးပြင်းလမ်းမပေါ်
မှောင်မည်းတိတ်ဆိတ်တဲ့ ညအရိုင်းထည်ပေါ်
လျှောက်သွားပျော်ဝင်နေသလို
သူရူးတစ်ယောက်တတွတ်တွတ်ရေရွတ်ပြောဆိုနေသလို
ရင်ခုန်သံအစီးအဆင်းအတိုင်း လှိုင်းဂရက်ထလူးလွန့်ပြလိုက်သလိုလို

လောကပါလတရားနဲ့အညီနေထိုင်ခြင်းကျင့်ဝတ်တစ်ခုလိုလို
တာဝေးလက်ဆင့်ကမ်းအပြေးပြိုင်ပွဲလိုလို
သတ်ကွင်းထဲ ကိုယ့်အသက်ရူသံကို သိုဝှက်သိမ်းဆည်းနေရသလိုလို
တစ်ခုခုပေးချင်သလိုလို တစ်ခုခုယူနေတာလိုလို

ပရိုင်းမိတ်ရုပ်ကြွင်းတစ်ခုသုတေသနလုပ်ကြည့်နေသလို
ကိုယ်တိုင်ပဲ ရုပ်ကြွင်းဖြစ်နေခဲ့သလိုလို
အသွေးအသားတွေထဲ ပူးဝင်ကပ်ညိနေတဲ့ မှော်ဓါတ် စုန်းဓါတ်တစ်ခုလိုလို
နောက်ဆုံးလက်ကျန်ကျည်ဆံတစ်တောင့်လိုလို

ဘာရယ်မှကြီးကြီးကျယ်ကျယ်မဟုတ်ဘူးလိုလို
စာဖွဲ့မနိုင်လောက်အောင်မြင့်မြတ်ခမ်းနားနေသလိုလို
ထမင်းစားရေသောက်လုပ်ငန်းစဉ်လိုလို
ရခဲလှတဲ့ ဒုလ္လဘဆုလာဒ်ကြီးလိုလို

ဒီနေရာမှာ ထောက်ခံသူမလိုအပ်ကြောင်း
အဆိုတင်သွင်းကြည့်လိုက်တော့

ဖေါ်ပြပါအချက်အားလုံးလိုလို တစ်ခုနဲ့မှ အကျုံးမ၀င်သလိုလို အကုန်လုံးရောပြွန်းရှုပ်ထွေးနေသလိုလို

အများအတွက်လိုလိုသူ့အတွက်လိုလိုအနုပညာအတွက်လိုလို
ကိုယ့်အတွက်ကိုယ်လိုလို ဟိုလိုလို..ဒီလိုလို..
အဲသလို ချရေးကြည့်လိုက်တာ....။ ။

အိန္ဒြာ
(၂၀.၁၁.၂၀၀၉)