နှလုံးသားတွေနွေးထွေးရင် ဒါဟာလည်း အိမ်

သံသရာက ထိန်းကျောင်းပေးခဲ့သော ၀တ်မှုန်အချို များ
အာရုံကို အာရုံချင်းချိတ်ဆက်ယှက်သွယ်ထားလိုက် ပုံ
...........................
ဆန်းပြားတယ်.။

မေတ္တာနဲ့နူးညံ့နေတဲ့ စိတ်ခင်းကဗ္ဗလာ
မေတ္တာနဲ့ သွေးလေလည်ပတ်မှုအနွေး
ခံစားနားလည်ပေးနိုင်မှုချင်း ထုံကူးကြ

ဖြေရှုင်းထုချေစရာ လျှောက်လှဲချက်မရှိ
ဖြေရှုင်းထုချေစရာ လျှောက်လှဲချက်လည်းမလို
အကျိုးအကြောင်းညွှန်းဆိုပြခြင်း သက်သေခံရာမရှိ
အကျိုးအကြောင်းညွှန်းဆိုပြခြင်း သက်သေခံရာမလို
အလိုလို တိတိကျကျ အညွှန်းခံ
အိပ်မက်ရုပ်ကြွ တစ်ခု
နေ့စာမျက်နှာတွေပေါ် ဖျတ်ကနဲကိုယ်ထင်ပြခဲ့ပေါ့
တစ်စိတ်တည်းတစ်ဝမ်းတည်း သဒ္ဓါတရားများ
ဆက်ထုံးများ
အဖြူထည်အထူးပြု ပန်းချီကားချပ်များ
နှောင်တည်းခဲ့..
ကြည်နူးခဲ့..

အလိုလိုဖွဲ့တည်သွားတဲ အိမ်လေးတစ်လုံးပါ
မမကြီးရှိ
ညီမလေးတွေရှိ
မောင်လေးတွေရှိ
သားငယ်လေးလည်းရှိ

နှလုံးသားတွေအကြားအလပ်မရှိနွေးထွေးနေမှုက
အဲဒီ့ အိမ် လေးကို
သာယာနာပျော်ဖွယ်
ရယ်မောဂီတနဲ့ချည်း ထုံမွှန်းမွှေးပျံစေခဲ့တာ.

အနုပညာသမားတွေပဲ..
အရာရာအနုစိတ် မြတ်နိုးတတ်ကြသလို
အရာရာတမြေ့မြေ့ကြေကွဲတမ်းတတတ်ကြတော့

" မမ ရေ.."
တကယ်ဆို
တည်ငြိမ်ဖို့ကြိုးစားနေရတဲ့
ကန်ရေမျက်နှာပြင်လို ဘ၀မျိုးရယ်ပါ..
ခုတော့
အလွမ်းတွေ သိုင်းသိုင်းဝိုင်းဝိုင်းဂယက်ထကျန်ခဲ့လို့

အဲသလိုနဲ့....

သံယောဇဉ်ပေးသူတွေကို
သိပ်ချစ်စရာ
ရန်သူတော်စာရင်း သွင်းချင်နေမိပေါ့။ ။


အိန္ဒြာ
(၂၃.၀၁.၂၀၁၀)

၃၁.၁၂.၂၀၀၉ မှ ၁၁.၁.၂၀၁၀ အထိ မမ မနော်ဟရီ ၊ သား ခေတ်နေ ၊
ညီအမ မောင်နှမတွေနဲ့ ပျော်ရွှင်ခဲ့သောနေ့ရက်များကို လွမ်းဆွတ်စွာ

(ကဗျာခေါင်းစဉ်ကတော့ အဆိုတော် ဓီရာမိုရ် ရဲ့ အလွန်ကြိုက်နှစ်သက်ရသော အိမ်သီချင်းတွေထဲက အကြိုက်နှစ်သက်ဆုံးစာသားလေးကို အငှားယူသုံးမိပါတယ်)