အမေကတော့ ကျွန်မကိုလက်ဆောင်အဖြစ်ပေးလိုက်ပြီ

အမေ့ရဲ့အာဝေနိက စစ်မြေပြင်မှာ
ရင်သွေးသာ လက်နက်ခဲယမ်း
ရင်သွေးသာ ကျည်ကွယ်ရာ
ရင်သွေးသာ ခံစစ်
ရင်သွေးသာ လက်ရသိမ်းပိုက်နိုင်ခဲ့တဲ့ အောင်မြေ

အမေဆိုတာ ဘာသာရေးနဲ့ယဉ်ကျေးမှုကိုမွေးဖွားသူ
အမေဆိုတာ အယူဝါဒနဲ့ ခံယူချက်တွေမွေးဖွားသူ
အမေဆိုတာ နိုင်ငံရေးနဲ့ နိသျှရကိုမွေးဖွားသူ
အမေဆိုတာ အနုပညာနဲ့ သူရဲကောင်းတွေ မွေးဖွားသူ
အမေဆိုတာ ငြိမ်းချမ်းရေး နဲ့ခေတ်စနစ်ကိုမွေးဖွားသူ

အမေတွေဟာ..လဲမှို့လေးတစ်ပွင့်လွင့်ထွက်လာသံက အစ
ကမ္ဘာမြေကြီးရဲ့တော်လဲသံ အဆုံး ဖြစ်တယ်..
အမေတွေဟာ.မတ်တပ်စမ်းခြေဖ၀ါးသေးသေးလေးက အစ
ဂရင်းနစ်စံချိန်အထိဖြစ်တယ်
အမေတွေဟာ..မိတ္ထီလာကန်တော်အောက်က အစ
နိုင်ငံတော်သီချင်းအထိဖြစ်တယ်
အမေတွေဟာ လမ်းခင်းကျောက်စရစ်ခဲက အစ ပြည်တန်ပတ္တမြားအထိဖြစ်တယ်
အမေတွေဟာ ပရိုင်းမိတ်ရုပ်ကြွင်းကအစ ပုံတူမျိုးပွားသန္ဓေသားအထိဖြစ်တယ်
အမေတွေဟာ လူ့အဖွဲ့အစည်းရဲ့ အမိုးအကာဖြစ်တယ်
သမိုင်းအလင်္ကာတွေဖြစ်တယ်
နာမ၀ိသေသနတွေဖြစ်တယ်
ဖွင့်ဆိုရှုင်းပြချက်မရှိသေးတဲ့ မေတ္တာတော်ဖြစ်တယ်
အနာဂါတ်ကို ကိုယ်ဝန်ဆောင်ပေးသူဖြစ်တယ်

အမေဆိုတာ အင်းဆက်ပိုးမွှားလေးတွေတောင်
အရေးအန္တရာယ်မှာ ကိုယ့် ဥကိုယ် ကိုက်ချီထားတဲ့ အမျိုး
အမေဆိုတာ ကိုယ့်အရေခွံ ကိုယ်ဆွဲဆုတ်ပြီး
ဝတ်စုံသစ်ချုပ်လုပ်ပေးသူမျိုး
အမေဆိုတာ အသက်ပေးရဲတယ်ဆိုတာကို
အလုပ်နဲ့ သက်သေပြသူမျိုး

အမေတွေရဲ့ဝမ်းကြာတိုက်မှာ
မာရီအင်တွိုင်းနက်နဲ့ မာသာထရီဇာ ခိုဝင်ဖူး
ဆတ်ဒန်ဟူစိန်နဲ့ချေဂွေဗားရား ခိုဝင်ဖူး
ဟစ်တလာနဲ့ မဟတ္တမဂန္တီတို့ ခိုဝင်ဖူး
ကင်ဂျုံအီနဲ့ အေဗရာဟမ်လင်ကွန်းလည်း ခိုဝင်ဖူး
စောလူးမင်းနဲ့ မင်းကျန်စစ်လည်း ခိုဝင်ဖူး

ဂဠုန်ဦးစောနဲ့ ဗိုလ်ချုပ်အောင်ဆန်းလည်း ခိုဝင်ဖူး..

အမေတွေက သူ့ ရင်သွေးမောင်းနှင်သွားရာ သမိုင်းကြောင်းကို
ရင်တမမ စောင့်ကြည့်တတ်သူတွေ
အမေတွေက သူ့ ရင်သွေးရဲ့စာမျက်နှာပေါ်က
မင်နီကြက်ချေခတ်တွေအတွက်..
သည်းချေပျက်မတတ် ရှက်ကြောက်တတ်သူတွေ

အဲသလိုမျိုး....

ကျွန်မ အမေက
ဒီဇင်ဘာ ၃၀ ရက်နေ့ည
နှင်းခါးနဲ့အေးမြနေတဲ့ သန်းခေါင်ယံချိန်မှာ
သူဝမ်းရည် စပ် မစပ်ဆိုတဲ့ကံစမ်းမဲလိပ်ကို
ကမ္ဘာမြေအတွက် လက်ဆောင်ပေးခဲ့တယ်...။

အိန္ဒြာ
(၃၀.၁၂.၂၀၀၉ )

++++++++++++++++++++++++++++++++++++++++

အောက်က ကဗျာလေးကတော့ မောင်ငယ်ကဗျာဆရာ တည်ရမွေးနေ့လက်ဆောင်ပေးတဲ့ ကဗျာလေးပါ။
တည်ရရေ ကျေးဇူး အထူး

+++++++++++++++++

လိုင်းအတိုအရှည်ဆိုတာ အကွာအဝေး အနီးအဝေး ဆွဲဆန့်ခြင်းတရားဖြစ်တယ် မအိန္ဒြာ

တစ်ကြောင်းချင်းဆို… တစ်ကြောင်းချင်း ဆင်းဆင်းသွား

ပြီး တက်တက်လာ တစ်(၁)နေ့ တစ်(၁)ခြား ကမ္ဘာကြီးဟာ

ဘာကြားသေးလဲ ဘာထူးသေးလဲ အသက်ရှူပုံ မမှားဘူး ပုံသဏ္ဍာန်ပျက်သွားတယ်

စကားပဲ

ဇယားပဲ

ဒီနေ့ အလုပ် များတယ် ထိုကြောင့် ခေါင်းကိုက်တယ်

ကွန်ပါချွန် ထောက်ပြီးရွှေ့လိုက်ရင်

များများမြန်မြန် မြန်မြန်များများ

မျဉ်းများ

လူများ

ရပ်ကွက်များ

ပိုးနသန်ကောင်များ

အက္ခရာအချင်းချင်း အဓိပ္ပာယ်အချင်းချင်း

တိမ်ရိပ်တွေ တစ်ရိပ်ပြီး တစ်ရိပ်

တစ်ကြောင်းပြီး ရင် တစ်ကျောင်း

သတင်း

အာရုံ

ဒီအချိန် ဖုန်းမြည်သံ မအားလပ်သေးပါ

ဒီအချိန် အိမ်မြှောင်ဟာ နံရံမှာ

ဒီအချိန် ဆောက်တည်ချက်တချို့ဟာ

ထမင်းစားပြီး အချိုတည်းပါ အိမ်သာသုံးပြီး လက်ဆေးပါ။

မီး ဂရုစိုက်ပါ စကားပြောဆင်ခြင်ပါ ဖြစ်ပေါ်လာတဲ့ ဟာသတချို့မှာ မပျက်မကွက်

ရွာရန် ရွာနှုန်း ကိုးဆယ့်ကိုးမှ

ဘောလုံးအသင်း တစ်သင်းဆိုတာ ပန်းတစ်ပွင့် ပွင့်သလို

ကန်လန်ကာဖွင့်ရုံ မိုးလင်းမသွားဘူး မနက်ခင်းကို ။ ။

တည်ရရေးသည်

++++++++++++++++++++++++++++++++++++++++

အမေများနေ့ ပြာသိုလပြည့်နေ့နဲ့ တိုက်တိုက်ဆိုင်ဆိုင်ရှိနေခဲ့တဲ့ ဒီမွေးနေ့ က အမှတ်တရရှိချင်စရာတွေသိပ်များနေပါတယ်.။
ကိုယ်တိုင်ရေးမယ် စိတ်ကူးနေမိတဲ့ ဒီကဗျာလေးကို
ကိုရင်ငြိမ်းတို့က အမေများနေ့အတွက်အွန်လိုင်းကဗျာစာအုပ်လေး လုပ်ချင်တယ်ဆိုတော့ ချရေးဖြစ်သွားပါတယ်..။

မေမေဖတ်ရရင်တော့ နားမလည်ပါဘူးအေ လို့ ပြုံးဖွဖွညည်းညူဦးမှာသေချာပေမယ့် ကြည်နူးကျေနပ်နေမှာပါ..။

စိတ်ဓါတ်တွေ တစ်နှစ်ထက်တစ်နှစ်ရင့်ကျက်လာသလား မသေချာပေမယ့် အသက်ကတော့ တစ်နှစ်ကြီးသွားခဲ့ပြန်ပါပြီ..။

ဒီကဗျာလေးကို အွန်လိုင်းကဗျာစာအုပ်မှာ ပန်ဒိုရာက သရုပ်ဖေါ်ပုံလေးဆွဲပေးခဲ့ပြီး ၊
အခုလည်းဒီပိုစ့်မှာတင်ဖို့ခွင့်ပြုခဲ့ပါတယ်.။(ကျေးဇူးပါ ဆရာမ)

အားလုံး ကိုယ်စိတ်နဲ့ကိုယ်တစ်ထပ်တည်းကျလို့ ပျော်ရွှင်ချမ်းသာကြပါစေကြောင်း ဆုတောင်းမေတ္တာပို့သလိုက်ပါတယ်။

ချစ်ခင်လေးစားစွာ

အိန္ဒြာ