တစိမ့်စိမ့်ခါးသက်နေခဲ့တယ်

စိတ်ကို လက်တစ်လုံးခြား
လှည့်စားထားခဲ့ရတာလည်းကြာပြီ..၊
မျှော်လင့်ချက်ကို
သင့်လျှော်သလို နေရာချထားလိုက်ကြတော့၊
အနာဂါတ်ဟာ
ချုပ်ရိုးအသစ်ဖိ အပ်ကြောင်းထပ်ကုတ်အင်္ကျီပါပဲ၊
ဒီနေ့အထိ
အောင်မြင်ခန့်ငြားတဲ့ သီတင်းတစ်ပုဒ်ဆာလောင်တယ်.။

အချိန်အခါက
ကြိုးတန်းလမ်းလျှောက်ရာသီဥတုပေါ့.၊
ကမ္ဘာကိုတောချောက်ခံရတော့ အကမ်းအလှမ်းမှာ
သူတို့လည်း..သူတို့အပူနဲ့ သူတို့မီးနဲ့..၊
ဘာဆက်လုပ်ကြမလဲဆိုတဲ့
အကျောပေးခံနှစ်ချို့မေးခွန်းများ..၊
ကိုယ့်နောက်ကျောကို
ဓါးနဲ့ထိုးရမယ့်အဖြစ်သနစ်တစ်ချို့ရှိလာမယ်.။

တွက်ဆမကြည့်ရဲတဲ့ အရင်းအနှီးများစွာနဲ့
အလျော် အစား...၊
အိမ်မက်မဟုတ် ၊ ဒဏ္ဍာရီမဟုတ်
ကစားနည်းမဟုတ် ၊ လုပ်ဇာတ်မဟုတ် ၊
နှလုံးသားဟာ..
ခံစားချက်တွေအပေါ် ထုံထိုင်းမူးမော်လို့ ၊
နာတာရှည်ရောဂါတွေအတွက်
ဆေးမီးတိုဆိုတာတွေပဲရှိခဲ့ဖြစ်ခဲ့ ၊
အားလုံးဟာ..
အမှန်တရားရဲ့ ဘေးထွက်ဆိုးကျိုးတွေပေါ့.......ဟုတ်စ။

အကျအပေါက်များလွန်းတဲ့
သင်ခန်းစာတွေလေ့ကျက်သင်အံ၊
တဖြည်းဖြည်း..တဖြည်းဖြည်းချင်း
ကိုယ်ရည်သွေးတီးလုံးများကို နားယဉ်စေသော ပညာရပ်၊
ခေတ်ပေါ်ရွာချနေတဲ့မိုးကိုက
တစိမ့်စိမ့်ခါးသက်နေခဲ့တယ်...၊
စနစ်တကျကြီး...
သေသေသပ်သပ်ယိုယွင်းပျက်စီး...၊
ဒီလိုပဲ..ဆောက်တည်ရာမရလည်း.
တည်ဆောက်ဖို့နေရာရှာကြပေါ့...၊
အမြီးကျက်လို့ အမြီးကိုဖဲ့ချင်နေသူတွေလည်း
ဆန္ဒအတိုင်းရှိပါစေ။

ငါတို့နာကျဉ်ကြေကွဲခြင်းနဲ့
တိုက်ရိုက်အချိုးကျ မေတ္တာရောင်ပြန်တွေ..၊
ခင်ဗျားထပ်တိုးလိုက်တဲ့ခြေတစ်လှမ်းတိုင်းမှာကို
ကျိမ်စာသင့်နေတာ...!၊
ခင်ဗျားအိပ်မက်တွေနဲ့ ခင်ဗျား
သွေးလေချောက်ချားရဦးမှာ..၊
ဒါတွေဟာ..
စိတ်ဗဟိုမှာ.အနယ်ကျနေတဲ့ သစ္စာစကား..သစ္စာတရား.။

ကဗျာတွေဟာ..အတိတ်တဘောင်ဆန်လွန်းလို့
မနက်ဖန်အကြောင်းဒီနေရာမှာ ရပ်ထားလိုက်ဦးစို့..၊

ဘာပဲဖြစ်ဖြစ်
အခုငြင်းဆိုလိုက်တဲ့နွားနို့ဟာ..
အချဉ်ဖေါက်နှင့်ပြီးသားလို့ ယုံကြည်တယ်....။ ။

အိန္ဒြာ (၂၈.၂.၂၀၀၉)