မြစ်တွေ စီး ထွက်လာတဲ့ အကြောင်း

မြစ်ဟာ..
့မြို့ကလေးကို
မွေးကင်းစကနေ ကြီးကောင်ဝင်ချိန်အထိ
ရစ်ခွေစောင့်ရှောက်ခဲ့သူပေါ့...

မြစ်ဟာ..
သူ့မြို့လေးရဲ့ကမ်းနဖူးက အရိုင်းအစိုင်း ကိုင်းပင်တွေကအစ
သူ့ဝမ်းဗိုက်ထဲမှာ ငါးဖေါင်ရိုးလေးကူးခတ်နေတာအဆုံး..

သူ့မြို့လေးရဲ့ပြောင်းဆန်နံ့လေပြည်အရူးကစ
သူ့ကမ်းပါးမှာနေ၀င်သွားတဲ့ ဆည်းဆာရောင်ခြည်အဆုံး..

သူ့ရင်ခွင်ကိုတဖျမ်းဖျမ်းရိုက်ခတ်နေတဲ့ ကွန်ချက်တွေကအစ..
သူ့မြို့လေးကိုခေါင်းအုံးထားတဲ့သဲသောင်ဝါ၀ါအဆုံး...
အစွမ်း ကုန် ချစ်မြတ်နိုးခဲ့တယ်..။

မြစ်ဟာ...
ဘယ်တော့မှ ထိမ်ဝှက်လို့မရနိုင်တဲ့ အတိတ်ကာလတွေကို..
တစ်လွှာချင်း..ကျစ်ကျစ်ပါအောင်ပို့ချပေးခဲ့..
မြစ်ဟာ...
တစိမ့်စိမ့် နစ်မြုတ်နေတဲ့ သစ္စာတရားတွေကို
သူ့အံဝှက်ကနေ ကော်ထုတ်ပြနိုင်ခဲ့..
မြစ်ဟာ.
မြို့လေးရဲ့သမိုင်းကြောင်းကို သက်သေထွက်ဆိုဖို့
သူ့ရေးစီးသံတွေနဲ့ ကျမ်းသစ္စာတွေကျိမ်ဆိုခဲ့......၊

မြစ်ဟာ..ငြိမ်းချမ်းရေးဆင်ဖိုနီနဲ့
တသွင်သွင်စီးဆင်းချင်ခဲ့တယ်
မြစ်ဟာ ဗဟုဝါဒဆန်ဆန်
မြစ်ငယ်ချောင်းငယ်တွေကို...မငြင်းဆန်ခဲ့ဘူး..။

မြစ်ဟာ..
ကျဉ်းမျောင်းတဲ့ စီးလမ်းကြောင်းမှာတော့
အရှိန်ပြောင်းချင်ပြောင်းမပေါ့..
မြစ်ဟာ..
မြစ်ဆန်ဆန်..
သင့်တင့်လျှောက်ပတ်တဲ့ လေပြင်းတွေပဲ ထန် ပြခဲ့..
ဖြစ်သင့်ဖြစ်ထိုက်တဲ့ လှိုင်းကြမ်းတွေပဲ ဆင့် ပြခဲ့
မြစ်ဆန်သလောက်တော့ ကွေ့ကောက်ခဲ့
မြစ်ဆန်သလောက်တော့ ညစ် နောက်ခဲ့.....။

ဒါပေမယ့်...
မြစ်ခမျာ.
မြို့လေးရဲ့ရယ်မောသံတွေကို အလျော်မပေးဆပ်နိုင်ခဲ့ဘူး
သူ့အမြဲစိမ်းတောအုပ်တွေ..ပြုန်းတီးလေလွင့်သွားတာလည်း
အံကြိတ်မျက်ရည်ဝဲယုံ..ပဲ..

မြစ်မှာ...ယူကျုံးမရစရာ.
သတင်းအချက်အလက်တွေနဲ့ချည်း
ဘောင်ဘင်ဆန်လိုက်လို့........

မြစ်ဟာ..
သူ့ထက်မြစ်ဆန်ပြနေတဲ့...မြစ် အ တု တွေကို..
နာကျည်းစိတ်ကုန်ရလွန်းလို့.....

မြစ်ဟာ..
.................................
သူ့ကိုယ်သူအဆုံးစီရင်ဖို့ဆိုပြီး..
ပင်လယ်ဆီထွက်လာခဲ့လိုက်ပေါ့.....။

အိန္ဒြာ(၈.၃.၂၀၀၉)

ပုံလေးကို မိုးကြယ်(ယိမ်းနွဲ့ပါး)ကဆွဲပေးထားပါတယ်။