အခုမြင်တွေ့ရတဲ့ အဆောက်အဦးလေး ကတော့ HIV ကူးစက်ခံ မိဘမဲ့ကလေးငယ်များရဲ့
သုခရိပ်မြုံလေးပါပဲ..။
သုခရိပ်မြုံဂေဟာ လေးက ဒဂုံ မြို့သစ် အရှေ့ပိုင်း မှာ တည်ရှိပါတယ်.။
အဲဒီ့အဆောက်အဦးလေးကို ၂၀၀၆ခုနှစ်မှာအုတ်မြစ်ချအခြေတည်ခဲ့တာဖြစ်ပြီး ၊
သုခရိပ်မြုံစတင်စဉ်မှာ ကလေးလေး(၂)ယောက်ကနေစတင်ခဲ့တာပါ..။
အခု အဲဒီ့အဆောက်အဦးထဲမှာ ကလေးလေး(၄၅)ယောက်အထိရှိသွားခဲ့ပါပြီ.။
သူတို့လေးတွေဟာ အသက် တစ်နှစ်ခွဲ ကနေ ၁၅ နှစ်အထိ အရွယ် အသီးသီးရှိကြပါတယ်.။
ကံကြမ္မာချထားပေးရာထိတ်လန့်စရာဘ၀တွေနဲ့ ကိုယ့်အနာဂါတ်ကိုမသိရှာကြတဲ့ ကလေးလေးတွေ.
သူတို့ဟာဘယ်လိုမှဆက်စပ်စရာမရှိတဲ့တစ်နေရာစီကနေရောက်လာကြရပြီး
တစိမ်းတရံစာတွေရဲ့မေတ္တာလေးနဲ့နွေးထွေးနေကြရရှာသူတွေဖြစ်ပါတယ်.။
အပေါ်ကပုံလေးကတော့ ကာတွန်းဆရာကိုစိုးသော်တာ ကာတွန်းရုပ်ကလေးတွေ ဆွဲပြနေတာကို
သဘောတကျ ကြည့်ရှုနေကြတာပေါ့..။
သူတို့လေးတွေထဲမှာ တစ်ချိုက ကာတွန်းတွေ ပန်းချီတွေရေးဆွဲရတာကို နှစ်ချိုက်လို့..
တစ်ချို့က စာအုပ်တွေဖတ် ကဗျာရွတ်တာနားထောင်ရရင်ပျော်လို့
တစ်ချို့လေးတွေက သူတို့နာမည်မေးရင်တောင် သူတို့ကြိုက်တဲ့ မင်းသားမင်းသမီးနာမည်ကို
ရယ်ရယ် မောမော ဖြေဆိုတတ်ပါသေးတယ်..
တစ်ချို့က ဦးဗေလုဝကိုမြင်တော့ Hi Tea လာပြီဟေ့တဲ့..
ဆရာဝန်မကြီးလုပ်တမ်းကစားရမှ ကျေနပ်ကြသူလေးတွေ
စာသင်ကြေးဆော့နေကြတဲ့ ကလေးလေးတွေ..
ကစားစရာကို ဖြုတ်လိုက်တပ်လိုက် အလုပ်ရှုပ်နေသူလေးတွေ..
အဲသည့် ၄၅ ယောက်သော လူမမည်လေးတွေဟာ အနာဂါတ်ကောင်းကင်မှာ
ဘယ်လို ထွန်းလင်းပြမယ့် ကြယ်စင်တွေများလဲ.....။
သူတို့လေးတွေက အဲဒီ့ဂေဟာလေးမှာ
ဆရာမဒေါ်သန်းမြင့်အောင်၊ ဆရာမ ဂျူး၊ ဆရာမစုထား
အစရှိတဲ့ သုခရိပ်မြုံမိသားစုရဲ့အရိပ်အာဝါသအောက် မှာ
ဝန်ထမ်းသူနာပြုဆရာမ၊ကျောင်းဆရာမမေမေတွေ (၁၈) ယောက်ရဲ့ ယုယအုပ်ထိမ်းမှုအောက်မှာ
အပူအပင်မရှိ ပျော်ရွှင်နေကြရှာပါတယ်..။
မူကြိုအရွယ်ကလေးတွေအတွက် မူကြိုကျောင်း နဲ့ သူငယ်တန်းကနေ လေးတန်းအထိ ကလေးငယ်တွေအတွက် ၀ိသာခါသီလရှင်ပညာဒါနကျောင်းမှာ နာမည်စာရင်းပေးသွင်းထားပြီး
သုခရိပ်မြုံလေးမှာပဲ သင်ရိုးတွေအတိုင်းသင်ကြားပေးလျှက်ရှိပါတယ်.။
လိုအပ်တဲ့ဆေးဝါးများ ပုံမှန်တိုက်ကျွေးပြီး အလှည့်ကျဆရာဝန်များ ၀န်ထမ်းသူနာပြုများနဲ့ သူတို့ဘ၀လေးတွေကို ပြုစုပျိုးထောင်ပေးနေကြပါတယ်..။
ခုချိန်အထိ ကလေး(၂)ယောက် တိမ်းပါးလက်လွှတ်ခဲ့ရတယ်လို့လည်းသိရပါတယ်..။
သူတို့ဘ၀လေးတွေရဲ့ လိုနေသမျှ ရုပ်ကွက်လပ်၊ စိတ်ကွက်လပ်တွေကို
အကုန်လုံးမပြည့်စွမ်းနိုင်ရင်တောင်
မေတ္တာရှင်တွေက ကရုဏာရှေ့ထားလှူဒါန်းကြတာလေးတွေနဲ့ ထပ်တူနီးပါး
ဖြည့်စွမ်းပေးနိုင်အောင်ကြိုးစား နေကြပါတယ်.။
သူတို့လေးတွေ ပစ္စပ္ဂုန်အတွက် ၊ သူတို့လေးတွေရဲ့အနာဂါတ်အတွက် အလှူငွေတွေ ပံ့ပိုးမှုတွေ
လိုအပ် နေပါတယ်.။
သုခရိပ်မြုံရဲ့ တစ်နေ့တာ နေ့လည်စာနဲ့ ညစာကုန်ကျစရိတ်က ငွေကျပ် ငါးသောင်း ၀န်းကျင်ရှိပြီး
တစ်လကို ဆေးဖိုး ၊၀န်ထမ်းစရိတ်နဲ့ အထွေထွေကုန်ကျမှုတွေမပါဝင်သေးပဲ
ငွေကျပ် တစ်ဆယ့်ငါးသိန်းကျော် ရှိတယ် လို့လဲသိရပါတယ်.။
မြန်မာပြည်မှာ အဖြူရောင်သက်တံ့ ဆိုတဲ့ စာပေ ဂီတ ရုပ်ရှင် အနုပညာရှင်တွေပါဝင်တဲ့
အဖွဲ့လေးတစ်ဖွဲ့က ဦးဆောင်ပြီး သုခရိပ်မြုံအတွက် အလှူငွေများကောက်ခံပေးပြီး
ရန်ပုံငွေရှာဖွေ ပေးခဲ့ပါတယ်။
ဒီအဖွဲ့ လှုပ်ရှားခဲ့မှုများကိုတော့ ဒီ
Link ကတဆင့်ဝင်ရောက်ကြည့်ရှုရင်း သာဓုခေါ်ဆိုနိုင်ပါတယ်..။
ဒီဓါတ်ပုံလေးတွေကလည်း အဖြူရောင်သက်တံ့ဘလော့ကနေကူးယူဖေါ်ပြထားခြင်းဖြစ်ပါတယ်.။
သုခရိပ်မြုံရဲ့ဦးဆောင်ဦးရွက်တစ်ဦးဖြစ်တဲ့ ဆရာမဒေါ်သန်းမြင့်အောင်က
"" ကလေးလေးတွေ အတွက် မိဘသဖွယ်မေတ္တာ ပေးနိုင်မယ့်သူတွေရဲ့ စေတနာတွေနဲ့ သူတို့ လေးတွေရှင်သန်နေကြပါတယ်..။
သုခရိပ်မြုံမိသားစုနဲ့ ကရုဏါရှင်တွေရဲ့ မေတ္တာရိပ်အောက်မှာ ကလေးလေးတွေ
ကလေးသူငယ်များရဲ့ အခွင့်အရေး ကို
အပြည့်အ၀ ခံစားနေနိုင်ကြပါတယ်..
အခုလှူဒါန်းကြတဲ့ အလှူရှင်များအားလုံးကို ကျေးဇူးအထူးတင်ရှိပါတယ် ""
လို့် ဒီအစီအစဉ်လေးနဲ့ပတ်သက်ပြီး ၀မ်းပန်းတသာ စကားကြုံပါးပြောကြားခဲ့ပါတယ်.။
အခုဒီပိုစ့် လေးကိုဖတ်မိပြီး သဒ္ဒါပေါက်ခဲ့ရင်
အခုဖေါ်ပြထားတဲ့ လိပ်စာတွေ ဖုန်းနံပါတ်တွေကတဆင့် ဆက်သွယ်လှူဒါန်းနိုင်ကြောင်း
ဒီနေရာဒီပိုစ့် လေးကနေ ကုသိုလ်ယူသတင်းပေးလိုက်ပါရစေ.။
ရန်ကုန်ရောက်ရင်လည်း သုခရိပ်မြုံလေးဆီရောက်အောင်သွားပြီး
ကိုယ်တိုင်ကိုယ်ကျ လှူဒါန်းနိုင်ကြပါတယ်..
ကရုဏာတကြီးအားပေးနိုင်ကြပါတယ်..
ခဏလေးဖြစ်ဖြစ်မေတ္တာဓါတ်လေးတွေပို့လွှတ်နွေးထွေးပေးနိုင်ကြပါတယ်..။
"ကလေးလေးတွေကတော့ ဧည့်သည်တွေလာရင်ပျော်လို့ပေါ့..။"
+++++++++++++++++++++++++++++++++++
သုခရိပ်မြုံ ဂေဟာလေးရဲ့တည်နေရာကတော့
အမှတ် ( ၉၇၉-၉၈၂)၊ တပင်ရွှေထီးလမ်း၊
ဒဂုံမြို့သစ်(အရှေ့ပိုင်း)၊ (၁၁)ရပ်ကွက်၊ ရန်ကုန်မြို့။
(မထသ ၃၆ ဘတ်စ် အစိမ်း၊ တံတားထိပ်မှတ်တိုင်ရှေ့)
တိုက်ရိုက်ဆက်သွယ်နိုင်တဲ့ဖုန်းနံပါတ် ။ ။ ၅၈၁၉၅၅
ဆက်သွယ်လှူဒါန်းနိုင်တဲ့ ပုဂ္ဂိုလ်များကတော့
(၁) ဒေါ်သန်းမြင့်အောင် (၀၉-၉၉-၂၈၅၄၉ ,၂၀၅၄၅၁)
(၂) ဒေါက်တာ ထားထား ( စုထား )
( ၀၉-၂၀၁-၇၉၆၁) တို့ဖြစ်ပါတယ်..။
+++++++++++++++++++++++++++++++++++
အခု ဒီပိုစ့်လေးမတင်ခင် မေးလ်ကိုဖတ်ပြီး သဒ္ဒါပေါက်လာတဲ့ အလှူရှင်များကတော့
| ကိုသစ်ကောင်းအိမ် - US$ 100 |
| ကိုဆောင်းယွန်းလ - US$ 50 |
| ကိုမင်းသုခ- S$ 100 |
| မ မနော်ဟရီ-- S$ 100 |
| မိုးကုတ်သား- S$ 50 |
| ခရေတွန် - US$ 500 |
| ဖိုးစိန် - S$100 |
| ကိုဝင်းဇော်လှိုင် + အိန္ဒြာ - S$100 |
| မယ်ကိုး - S$50 |
| Mr. Neo+ Ms. Lucy - S$ 200 |
| မနန်းဧကရီ - S$100 |
| မေသူ - S$50 |
| မေဇင် - S$20 |
| ကိုဇော်မျိုးအောင် - S$50 |
| ကိုဇင်မင်းသူ+မခိုင်ခိုင်ဇာ - S$50 |
| ငွေအိမ်စံ - S$150 |
| ခိုင်ဇာမွန် S$50 |
| မမီး(မိုးသောက်ကြယ်) - S$50 |
| လိမ္မော်+ချစ်သူ - S$30 |
| နန်းသန္တာ - S$25 |
| အဆိပ်ခွက် - S$20 |
| နွေးနေခြည် - S$20 |
| ဇင်မာ - S$20 |
| မြစ်ကျိုးအင်း - S$100 |
| နိုင်ဝင်း - S$50 |
| Zephyr - S$100 |
| မက်မက် - S$50 |
| ယဉ်ယဉ်ထွန်း -S$30 |
| Khant Khant Chein - S$50 |
| မယ်လိုဒီမောင် - S$ 50 |
| ကိုသုခ+မမေကဆုန် - S$20 |
| MHZ+KZPK - S$30 |
| သက်နိုင် - S$10 |
| ကိုသောင်းစံ+မပိုးရည်မွန် - S$30 |
| ကိုမင်းမင်း+မအေးလေး- S$30 |
| ဟန်သီဆု - S$50 |
| ကိုဇာနည်+ယုယု S$ 100 |
| သိရိထွန်း - S$ 100 |
ရန်နိုင်+ နေခြည်ပွင့် S$ 15
|
နမ်းမဝ(အဖြူရောင်နတ်သမီး) S$ 100
ကိုစံဖဲ(လစဉ်မြန်မာငွေကျပ်တစ်သိန်းတိတိလှူဒါန်းပါမည်..။)
ဖန်နေ၀န်း S$ 30
တသက်တာ S$ 50 |
စုစုပေါင်း
အမေရိကန်ဒေါ်လာ(၆၅၀) နဲ့
စင်ကာပူဒေါ်လာ(၂၂၈၀) တိတိ
စာရင်းရရှိထားပြီးဖြစ်ကြောင်း သုဓုခေါ်မုဒိတာပွားနိုင်စေဖို့ တစ်လက်စတည်းဖေါ်ပြပေးလိုက်ပါတယ်.။
အခု ဒီပိုစ့်လေးကိုဖတ်ပြီး သဒ္ဒါပေါက်လာခဲ့ရင်တော့
အမေရိကန်နိုင်ငံမှာ....
ကိုသစ်ကောင်းအိမ်(၂၆၀ ၄၀၃ ၆၄၇၄၊၇၂၇ ၂၃၇ ၈၁၄၈)
ကိုဆောင်းယွန်းလ(၂၆၀ ၂၄၁-၆၃၃၉)
စင်ကာပူနိုင်ငံမှာ....
အိန္ဒြာ(၀၆၅ - ၉၁၇၉၆၅၄၂)
မိုးကုတ်သား(၀၆၅ - ၈၁၁၈၉၁၆၀)
ကိုရီးယားနိုင်ငံမှာ...
ကိုYမြစ်ချို ( ၈၂၁၀ ၈၇၁၄ ၇၀၁၉ )
ကိုစံဖဲ ( ၈၂၁၀ ၇၅၈၅ ၅၃၅၄)
မလေးရှားနိုင်ငံမှာ
ခရေတွန် (+၆၀၁၆ ၆၀၄၀၄၀၀ )တို့ထံမှာ
စာရင်းပေးသွင်းဆက်သွယ်လှူဒါန်းနိုင်ပါတယ်..။
ငွေကို ၂၀၁၀ ခုနှစ် ဇန်န၀ါရိလ (၇)ရက်နေ့နောက်ဆုံးထားပြီးစုကြမှာဖြစ်ပြီး ၊
ဇန်န၀ါရီ (၁၀)ရက်နေ့မှာ မြန်မာပြည်ကို လွှဲမှာဖြစ်ပါတယ်..။
အလှူခံကျေးဇူးတင်လွှာကို မေးလ်ကနေ တစ်ဦးချင်းစီပို့ပေးပါ့မယ်.။
အသေးစိတ်သတင်း အသေးစိတ် စာရင်းကိုတော့ ပိုစ့်လေးတစ်ခုအဖြစ်တင်ပြပေးမှာဖြစ်ပါတယ်..။
မထင်မှတ်ပဲ ဖေါ်ဝပ်မေးလ်တွေကိုဖတ်ပြီးလှူဒါန်းကြတာတင် တော်တော်များများလက်ခံရရှိလိုက်တော့
အတိုင်း မသိဝမ်းသာမိပါကြောင်းနဲ့ အဖက်ဖက်က ၀ိုင်းဝန်းကူညီကြတဲ့ ညီအကိုမောင်နှမများ အလှူ့ရှင်များ၊
လှူဒါန်းဖို့ စိတ်ကူးဝင်သွားကြသူများနဲ့
သူတို့လေးတွေ ရှိနေတယ်ဆိုတ သိရှိသွားကြသူများ အားလုံးကို
လှိုက်လှိုက်လှဲလှဲ ကျေးဇူးတင်ရှိပါကြောင်းလေးနဲ့နိဂုံးချုပ်ချင်ပါတယ်..။
“အားလုံးစိတ်နဲ့ကိုယ်တစ်ထပ်တည်းကျလို့ပျော်ရွှင်ခမ်းမြေ့နိုင်ကြပါစေ။”
လေးစားစွာ
အိန္ဒြာ
ကလေးလေးတွေအတွက် ရွတ်ဆိုရေးဖွဲ့ ခဲ့ကြတဲ့ ကဗျာရှည် ၃ ပုဒ်ကိုလည်း ဒီကဏ္ဍလေးအတွက် တင်ဆက်ပေးလိုက်ပါတယ်
+++++++++++++++++++++++++++++++++++++++++++++++++++++++++++++
အသိုက်မဲ့ မာန
လမ်းခုလတ်တွင်
ထင်းရှူးကိုင်းပြတ်
ချိုးဖြတ်ပင်စည်
လေနီမွှေနောက်
ပင်အောက်ကပ်ခို
ဖြစ်သလိုပဲ
မိုးစက်အပ်ဖျား
လျှပ်လက်မြားဒဏ်
လူးလိမ့်ခံလိုက်
တောင်ပံရိုက်ခတ်
ပင်လယ်ဖြစ်စဉ်
လှိုင်းခေါင်းမြင်မိ
ခွန်စိုက်ချည့်နဲ့
နွမ်းယဲ့မူးမော
သောကတနင့်
နားခွင့်မကြုံ
ရက်စက်ပြီလေ
လွင်ပြင်ရေခဲ
တောမှာလည်း . . . နှင်း
တောင်မှာ . . . နှင်း . . . နှင်း
မြေ၀ပ်ကျင်းထဲ
ဖော်ကွဲငှက်ငယ်
ဒဏ်ရာသင့်ရက်များ
တမ်းတချင်မိ
တရှိုက်မက်မက်
အသိုက်နှင့်နေ
အဆွေခင်ပွန်း
ချစ်ကြင်လွန်းသမျှ
ကာလငယ်တစ်ခု
ပူမှုတစ်သက်
ပေးရက်လေသလား
လောကဓံတရား . . . တဲ့လားရှင်
အချစ်ကမ်းပါးပျက်ပြို
နားခိုရန်အတွက်
ရင်ခွင်ဝေးငှက်
သွေး . . . အစက်စက်
ဆွေးရတက်ပွေလည်း
နေ . . . နေရပြီ
လေဆန်ခရီး
တစ်ကိုယ်တည်းပ
မာနအတောင်
အရောင်မွဲလည်း
သခင့်ကိုယ်စား
အင်အားစုစည်း
ခရီးဆက်လက်
ငါ့မျိုးဆက်သစ်အတွက်ပေ့ါကွယ်
အထောင်တစ်ဝက်နဲ့ ဖြစ်ပါစေ . . . .
မအိ
(ဒီကလေးငယ်လေးတွေအတွက် ရန်ပုံငွေရှာဖွေပေးခဲ့တဲ့ အဖြူရောင်သက်တံ့ ကဗျာရွတ်ပွဲမှာ ဆရာမကြီးမအိ ရွတ်သီခဲ့တဲ့ ကဗျာလေးပါ.။)
+++++++++++++++++++++++++++++++++++++
ကလေးတစ်ယောက်နဲ့ ခြေလှမ်းများ
ကလေးတစ်ယောက် ငိုနေတယ်
ချိုင့်ခွက်များတဲ့ လမ်းပေါ်မှာ သူချော်လဲသွားခဲ့တယ်
ကလေးတစ်ယောက် ငိုနေတယ်
လွယ်အိတ်အပေါက်ထဲကနေ
သူ့ခဲတံလေးကျပျောက်သွားခဲ့တယ်
ကလေးတစ်ယောက် ငိုနေတယ်
ညစာချက်ကျွေးမယ့် သူ့အမေ
အိမ်ပြန်နောက်ကျလို့နေတယ်
ကလေးတစ်ယောက် ငိုနေတယ်
ခုတိမရပ်သေးတဲ့ မိုးသဲထဲမှာ
သူအဖျားနဲ့ချမ်းနေတယ်
ကလေးတစ်ယောက် ငိုနေတယ်
ခွေးတစ်ကောင်လိုက်လို့ ပြေးရင်းနဲ့
သူရောင်းနေတဲ့ ဖရဲသီးဗန်းကလေး
သဲတွေထဲကို ကျသွားတယ်
မင်းလဲကြားရတယ် ငါလဲကြးရတယ်
ကလေးတစ်ယောက် ငိုနေတယ်
အနားမှာလဲကြားရတယ် အဝေးကလဲကြားရတယ်
ကလေးတစ်ယောက် ငိုနေတယ်
မငိုပါနဲ့တော့ ကလေးရယ်
နှစ်သိမ့်စကားလေးတစ်ခွန်း
တစ်ယောက်ကပြောလိုက်တယ်
မငိုပါနဲ့တော့ ကလေးရယ်
နွေးထွေးတဲ့လက်တစ်ဖက်
တစ်ယောက်ကကမ်းလိုက်တယ်
တစ်ယောက်က တွေးမိတယ်
အလင်းရောင်တွေ မဖြန့်ကျက်ခဲ့ဘဲ
ဘယ်ကြယ်စင်လေး တစ်ပွင့်မှ
ကမ္ဘာမြေကို စွန့်ခွာမသွားသင့်ဘူး
တစ်ယောက်က တွေးမိတယ်
မွှေးရနံ့တွေ မလွှင့်ထုတ်ခဲ့ဘဲ
ဘယ်ပန်းပွင့်လေးတစ်ပွင့်မှ
ကမ္ဘာမြေကို ချန်ရစ်မထားခဲ့ဘူး
တစ်ယောက်ပြောဖူးတယ်
အလင်းဆုံးကြယ်စင်တွေတောင်မှ
တိမ်ညိုတွေနောက်မှာ အကြာကြီး
လမ်းပျောက်မသွားအောင် ခရီးဆက်ရအောင်
တစ်ယောက်ကပြောဖူတယ်
အမွှေးဆုံးပန်းပွင့်တွေတောင်မှ
မုန်တိုင်းတွေကြားမှာ အကြာကြီး
ကြွေကျမသွားအောင် အားတင်းကြရအောင်
ကလေးရေ ခြေတစ်လှမ်းလောက်
ရှေ့ကိုလှမ်းလိုက်ပါ
မင်းရဲ့မြင်ကွင်းတွေ နည်းနည်းတော့ပြောင်းသွားမှာ
ခြေတစ်လှမ်းလောက် နောက်ထပ်လှမ်းလိုက်ပါ
မင်းရဲ့မြင်ကွင်းတွေ ပိုပြီးတော့ပြောင်းသွားမှာ
ခြေလှမ်းတွေအများကြီးရောက်တဲ့အခါ
ကမ္ဘာအသစ်တစ်ခု မင်းရှေ့ကိုရောက်လာမှာ
ကမ်းနေတဲ့လက်ကို ဖမ်းဆုပ်ကာ
ခြေတစ်လှမ်းလောက် လှမ်းလိုက်ပါ.....
မြင့်မိုးအောင်
(ဒီကလေးငယ်လေးတွေအတွက် ရန်ပုံငွေရှာဖွေပေးခဲ့တဲ့ အဖြူရောင်သက်တံ့ ကဗျာရွတ်ဆိုပွဲမှာ ဆရာမြင့်မိုးအောင်ရေးပေးပြီးရီဝေယံ၊ အေးဝတ်ရည်သောင်း စတဲ့အနုပညာရှင်တွေက ရွတ်ဆိုခံစားပေးထားတဲ့ကဗျာလေးတစ်ပုဒ်ပါ)
+++++++++++++++++++++++++++++++++++++++
“အရှိမဲ့မေတ္ထာတော်”
ငါတို့ သွေးသားတွေကိုတောင်
ကမ္ဘာမြေက လက်မခံနိုင်တော့ဘူး
ဒီပြစ်မှုကို ဘယ်လိုစီရင်ကြသလဲ သိချင်တယ်...
ကျေးလက်စားကျက်ကွင်းတွေမှာ
နွားတစ်ရှဉ်းနဲ့ ထယ်တစ်စင်းနဲ့
သူ့လက်ဖျံပေါ်မှာ.. အမြတ်နိုးဆုံးနှင်းနဲ့
သူ့ဘေးနားမှာ အိမ်ရှင်ချစ်သူမလေးနဲ့
ယာသမားလေး ရိုးသားအေးဆေးရှာခဲ့တာ
သူ့ဘ၀မှာ.. ဆန်းကျယ်တာဆိုလို့
ချစ်သူ့နာမည်ကို အရေပြားပေါ် ဆေးဆိုးခဲ့တာပဲရှိတယ်တဲ့..။
ဟော့ဒီမှာ
အနန္တငါးပါးကို.. ညွှတ်တွား ကိုးကွယ်ခဲ့တဲ့လက်
ခင်ပွန်းသည်ကို ယုယတွဲကူခဲ့တဲ့လက်
ရင်သွေးငယ်လေးကို ပိုက်ထွေးချော့မြှူခဲ့တဲ့လက်
သနပ်ခါးနံ့တွေနဲ့ချည်း မွှေးပျံ့သင်းကြူခဲ့တဲ့လက်
အဲဒီ့လက်မှာ
ဝဋ်နာကံနာတွေ ဗရပွ
ဘယ်ကစဘယ်မှာဆုံးမယ်မှန်း မသိတဲ့ သံသရာအမှောင်ထဲ
နာကျင်ကြေကွဲခြင်းတွေနဲ့ချည်း.. ခရီးဆက်..။
ဘယ်လိုလော်လီမှုမျိုးမှ မစွက်ဖက်
ဝိဘက်ကြမ္မာ ချည်းသက်သက်ဘ၀
တော်လဲ.. ကျီးပြို..
တိမ်မည်းညိုတွေ အဆုတ်လိုက်အဆုတ်လိုက်..
နှင်းခါးရိုက်တဲ့ညမှာမှ
ဟောဒီ့သားလေးကို.. ဆွဲခေါ်မိခဲ့တော့...
သွေးရူးသွေးတမ်းဆန်ဆန်
အရာရာကိုတောင်းပန်...
နောက်အရာရာကို လက်လျော့..
အဖြူသက်သက်ဘ၀တွေထက်
ဆေးအနက်တွေ ကျဲပက်လိုက်သလိုမျိုး
ကံကြမ္မာဆိုတာ.. တောင်းပန်တိုးလျိုးလို့မရတဲ့
လက်မရွံ့အာဏာသားတဲ့ကွယ်..။
အတိတ်တွေကို ပြန်လှည့်မကြည့်ဝံ့ဘူး
အနာဂါတ်ကို လှမ်းမျှော်မကြည့်ဝံ့ဘူး..
ဝေဒနာနဲ့ငါ...
ပစ္စပ္ပုန်တည့်တည့်မှာပဲ စီးချင်းထိုးကြတဲ့ပွဲပေါ့
အံခဲ.. ဇွဲသံ...
အားမတန်သော်မှ လျော့လို့မရတဲ့ မာန်တွေနဲ့
ဒီလူမမယ်ကလေးလေးအတွက် ကြောင့်ကြ
အမေ....ဆိုတဲ့ရင်ဝမှာ...
မီးကျီး မီးခဲလို ပူလှပေါ့..။
သားရေ..
မင်းကိုပွတ်မွှေးထားတဲ့ လေပြည်မှာ
မေမေ့သောကတွေနဲ့များ ပူလောင်နေခဲ့သေးလားကွယ်...
အခု.. သားလေးရဲ ပြတင်းဝက..
အရောင်လှလှလိပ်ပြာလေးက မေမေပေါ့
သားလေးကိုလှုံထွေးထားတဲ့ နေခြည်နွေးနွေးဟာလဲ.. မေမေပေါ့..
သားလေးမက်နေဆဲ မသဲမကွဲအိပ်မက်တွေထဲမှာ
သားလေးကိုချီပိုး..
သားလေးကိုချော့မြှူ
သားလေးကိုနမ်းမွှေး
သားလေးကို ပိုက်ထွေးထားရင်း
သီလက်စသားချော့တေးတွေ တစ်ဝက်တစ်ပျက်
ဘယ်သုဂတိဘုံကိုမှ... ခရီးမဆက်နိုင်ပဲ
နှလုံးသားကွဲအက်နေတဲ့ တစ္ဆေ...
မေမေလေ....။
အပြစ်လုံးလုံးမရှိပေမယ့်
အပြစ်ဒဏ်ဆိုတာ ရှိတတ်တဲ့လောကမှာ
နာကျည်းခါးသီးစရာတွေကို.. မသိ
ရှက်ရွံ့သိမ်ငယ်စရာဆိုတာကို.. မသိ
တုန်လှုပ်ကြောက်လန့်စရာဆိုတာလည်း.. မသိ
ကိုယ့်အနာတရကိုတောင်မှ.. ကိုယ်မသိ
ဘာဆိုဘာမှမသိတဲ့
ပကတိဖြူစင်ရွှင်လန်း.. ကျမ်းမာသန်စွမ်းဆဲ.. သားလေး.....
အားတင်းထား သားရေ.....
ဟောဒီ့ အဖြူရောင်သက်တန့်ကြီးရဲ့နောက်..
ကိုယ်ယောင်ဖျောက်ထားတဲ့..မေမေ
မင်း....ဘယ်တော့မှ..
မ တွေ့ ချင် လေ နဲ့..။ ။
အိန္ဒြာ
(ဒီကလေးငယ်လေးတွေအတွက် ရန်ပုံငွေရှာဖွေပေးခဲ့တဲ့ အဖြူရောင်သက်တံ့ ကဗျာရွတ်ဆိုပွဲမှာ အိန္ဒြာခံစားရွတ်ဆိုခဲ့တဲ့ ကဗျာလေးပါ.။)
+++++++++++++++++++++++++++++++++++++++++++++++++++++++++++++++++
