December 30, 2011

အရေးပေါ်ကိစ္စ

၂၀၁၁ ကို ဒီကဗျာနဲ့ အဆုံးသတ်လိုက်ရတာ စိတ်မကောင်းစရာပါပဲ။

အရေးပေါ်ကိစ္စအားလုံးကိုလည်း ဒီကဗျာနဲ့ အဆုံးသတ်လိုက်ချင်ပါတယ်။

၂၉ ရက်နေ့မှာဖြစ်ခဲ့တဲ့ ပုဇွန်တောင်ပေါက်ကွဲမှုကိစ္စဟာ ၂၀၁၁ ကို ထွက်ခတ်ခတ်သွားခဲ့ပါတယ်။

ဒီလို အဖြစ်အပျက်မျိုးတွေ မပြီးပျောက်နိုင်သေးဘူးလား..။ ဒီလိုမျိုး သေကြေကြရတဲ့ အသက်တွေ ဘယ်လောက်များနေခဲ့ပြီလဲ..။

ဘယ်တော့မှ အဆုံးသတ်နိုင်မှာလဲ...

၂၀၁၂ ကစပြီး ဗမာပြည်ကြီး ငြိမ်းချမ်းပါစေ။ ကမ္ဘာကြီး ငြိမ်းချမ်းပါစေ။

အားလုံးနှစ်သစ်မှာ သတင်းကောင်းအသစ်တွေသာကြားရမြင်ရကြပါစေ။

မင်္ဂလာရှိသော သတင်း စာမျက်နှာတွေသာဖြစ်ပါစေ။

++++++++++++++++++++++++++++++++++++++++++++++++

အရေးပေါ်ကိစ္စ

ဥသြသံ

ခေါင်းလောင်းသံ

အချက်ပြ မီးနီ ကတိုက်ကရိုက် မိုင်ကုန်ဖွင့် မောင်းနှင်သံ

ရဟတ်ယဉ်ပန်ကာဒလက်လည်သံ

ရုတ်တရက် ဘရိတ်ဆွဲလိုက်တဲ့ အသံ

ဝရုန်းသုန်းကား အပြေးအလွှားခြေသံ

မြင်ကွင်းတစ်ခု ပွက်ပွက်ဆူနေသံ

သွေးရူးသွေးတန်းဟစ်အော်မြည်ကျွေးသံ

ဘာမှ ထွက်မကျလာနိုင်တော့တဲ့ အသံ

ခနာကိုယ်အစိပ်အပိုင်းတစ်ခု ပြတ်တောက်လွင့်စင်သွားလိုက်သံ

အငမ်းမရ အသက်ရှုသံ

သွေးတပွက်ပွက်ယိုစည်းကျနေသံ

တွဲလက်တွေ ပြုတ်ထွက်သွားတဲ့ အသံ

အစွမ်းကုန် မွန်းကြပ်မှောင်မိုက်နေတဲ့ အသံ

မျှော်လင့်ချက်ကျကွဲသွားတဲ့ အသံ

အနာဂါတ်စုံးစုံးမြုတ်သွားသံ

နှလုံးအိမ်တွေ တဖျစ်ဖျစ် ကျွမ်းမြိုက်တောက်လောင်နေတဲ့ အသံ

ဖလက်မီးပွင့်သွားတဲ့ အသံ

ရီကော်ဒါ ခလုပ်နိုပ်လိုက်သံ

ဂြိုလ်တုမှ လိုက်ဖ်ရှိုး ရိုက်ကူးထုတ်လုပ်ရေး ယန္တရားသံ

အဆင့်ဆင့်သောနည်းပညာတွေ တည်းဖြတ်ကူးဆက်နေတဲ့အသံ

ကာကွယ်ရေး ပညာပေးအစီအစဉ် ဖတ်ကြား သွန်သင်သံ

အဆင့်ဆင့် အမိန့်အရ တပ်လှန့်နိုးဆော်သံ

မျက်ရည်များ ဆုတောင်းများ စိတ်ထောင်းကိုယ်ကျေများ ရောနှောစီးဆင်းပျစ်ခဲသွားတဲ့ အသံ

ရိုးရာမပျက် သ၀ဏ်လွှာစေသံ

ကုလားထိုင်ရွှေ့သံ

ပေါင်မုန့်ကြား ဒိန်ခဲ ညှပ်လိုက်သံ

ရီမုကွန်ထရိုးကိုနှိပ်လိုက်သံ

သတင်းစာ တဖျတ်ဖျတ်လှန်နေသံ၊

အင်တာနင်ကွန်ယက်ချိတ်ဆက်သံ

ရုပ်မြင်သံကြားဖွင့်လိုက်သံ

ကော်ဖီတစ်ကျိုက်ကျိုက်လိုက်သံ

ကမ္ဘာတစ်ခြမ်းက ကမ္ဘာတစ်ခြမ်းကို စုတ်သတ်လိုက်တဲ့ အသံ။ ။

အိန္ဒြာ


( မဂ္ဂဇင်းမှာပါခဲ့ ကဗျာလေးတွေရယ် အသစ်နည်းနည်းရယ် စုပြီးလုပ်မယ့် "ကဗျာရေးသလိုလို" ဆိုတဲ့ ကဗျာစာအုပ်မှာ ပါမယ့်ကဗျာလေးပါ။ မတ်ခ်ျလလောက်မှာ နှစ်ကာလများက ထွက်ပါမယ်။ ဒီကဗျာကို ဂျပန်ဆူနာမီပြီးစက ရေးဖြစ်ထားပါတယ်)

4 comments:

အတွေးကမ္ဘာ..မှတ်တမ်း said...

မမ ပဲ စဉ်းစားနိုင်တယ်.. အသံပေါင်းကိုစုံနေတာပဲ..း))

Moe Myint Tane said...

ဒီအသံတွေ ၂၀၁၁ နဲ့အတူ နိဂုံးချုပ်ပါစေတော့လို့။

မိုးမြင့်တိမ်

သော်ဇင်အုန်း said...

ကမ္ဘာတစ်ခြမ်းက ကမ္ဘာတစ်ခြမ်းကို စုတ်သတ်လိုက်တဲ့အသံ

သော်ဇင်အုန်း said...

ကမ္ဘာတစ်ခြမ်းက ကမ္ဘာတစ်ခြမ်းကို စုတ်သတ်လိုက်တဲ့အသံ