September 1, 2014

ကန္တာရ ပန်းပွင့်




ကန္တာရ ပန်းပွင့်  (၁)။

ယက်လုပ်ပြီးခါစ ပိုးကတ္တီပါ အနက်စလို 
ချောမွတ်နက်ပြောင်နေတဲ့ အရေပြားတွေအောက်ကနေ
ကမ္ဘာကြီးကို ချောင်းမျောင်းကြည့်လိုက်တယ်။
ဝါရစ်(စ်)ဒီရီရဲ့ပထမဆုံးမြင်ကွင်းထဲမှာ
အဖေက အာဖရိကန်ခြင်္သေ့တစ်ကောင် ဟိန်းသလို ရယ်မောလို့
လူမသေသေးပေမယ့် ခံစားချက်တွေ အကုန်သေနှင့်သွားတဲ့အမေက
 ရွှံ့စေးတွေ လိမ်းကျံထားတဲ့ ကြွက်တွင်းတစ်တွင်းလို အိမ်ခေါင်းထဲကနေ
အဖေ့ဆီကို မျက်ဝန်းအသေတွေနဲ့ ငေးမျှော်လို့ ၊
ဝါရစ်(စ်)ကို ထွေးပိုက်ထားတဲ့ အမေ့လက်တွေကတော့
အက္ကာစီရာဆူးပန်းရွက်တွေလို ကြမ်းရှနေခဲ့တယ် ။
ခရီးဝေးနှင်လာပုံပေါ်တဲ့ ကုလားအုပ်ခြေသံတွေရယ်..
တံလျှပ်တွေတလက်လက်ထနေတဲ့ အပူရောင်လွင်ပြင်ရယ်..
အရောင်အသွေးစုံခြုံပုဝါတလွင့်လွင့်တွေနဲ့ အရွယ်အစားစုံကလေးသူငယ်တွေရယ်
အချက်ကျကျတီးခတ်နေတဲ့ သားကောက် ဗုံသံတေးချင်းရယ်..
အမေက သူမကို အမွှေးနံသာတွေနဲ့ လိမ်းကျံတော့
ဝါရစ်(စ်)က ခိုးခိုးခစ်ခစ်ရယ်မောလို့
အသက်ရှင်ခြင်း ဆိုတာ ရိုးရာအစွဲအလမ်းရဲ့ ကျိန်စာ
ဘဝဆိုတာ အယူသည်းခြင်းတွေရဲ့ အဆိပ်တစ်ခွက်
လူမိန်းမဆိုတဲ့ဖြစ်တည်မှုဟာ တွင်းဆုံးအထိ ကျတဲ့ငရဲ လို့
မသိနားမလည် တတ်သေးတော့
ဝါရစ်(စ်) ရယ်မောသံတွေမှာ ဘယ်လို အနာတရမှ စွန်းထင်း မနေသေးဘူးပေါ့။

ကန္တာရ ပန်းပွင့်  (၂)။

ဝါရစ်(စ်)ရဲ့ ဒုတိယမြောက်မြင်ကွင်းဟာ ကိုရမ်ကျမ်းစာအုပ်မှာပါမလာခဲ့ဘူး
စုန်းအိုမကြီး မန္တန်စုပ် နေသလို တတွတ်တွတ်ရွတ်သီနေသံနဲ့
အဖွားအိုရဲ့မျက်ဝန်းမွဲမွဲသီသီတွေဟာ စိတ္တဇရောင်တောက်ပလို့
အဖွားအိုရဲ့ လက်တွေကိုတော့ နတ်ဆိုးမိစ္ဆာတွေ ပူးဝင်နေခဲ့တယ်
ပန်းလေးတစ်ပွင့်ရဲ့ ဝတ်ဆံကို ဖဲ့ချလိုက်သလို
နူးညံ့လွန်းတဲ့ အသားကို လှီးဖြတ်ချုပ်သီလိုက်ချိန်မှာ
လိင်အင်္ဂါကို နှလုံးသားကို စိတ်ကို ဘဝကို လူမိန်းမရဲ့ဖြစ်တည်မှုတွေကို
အစိမ်းလိုက် ဖြတ်ထုတ်နေချိန်မှာ
ကောင်းကင်ထဲ လင်းတငှက်တွေ တရုန်းရုန်း ဝဲပျံလို့
ဝါရစ်(စ်) အသံကုန်အော်ဟစ်လိုက်သံက ဆိုမာလီကို ပဲ့တင်ရိုက်ခတ်လို့
သွေးစိမ်းရှင်ရှင်တွေ မျက်ရည်ပူပူတွေနဲ့ ဆိုမာလီယာတစ်ခုလုံး ပူလောင်ရွှဲနစ်လို့
အမေကတော့ ငရဲမီးနဲ့ တစ်ဘဝလုံးအစားခံထားရသူလို
သမီးရေ…
ဒါ အမျိုးသမီးတိုင်းအတွက် ဂုဏ်သိက္ခာ
ဒါ အပျိုစင် စစ်စစ်အဖြစ်ကို ချိတ်ပိတ်ထားတဲ့ သော့တံခါး
ဒါဟာ သန့်ရှင်းစင်ကြယ်ခြင်းရဲ့ ပြယုဂ်
ဒါဟာ အနာဂါတ်သတို့သားအတွက် အမွန်မြတ်ဆုံးပေးဆပ်မှု
အမေ့ပွတ်သတ်ချော့မြူနေခြင်းမှာ အဲဒီ့လို အဓိပ္ပာယ်ဆောင်နေမလား
ဟင့်အင်း
ဟင့်အင်း သမီး မိန်းမ မဖြစ်ချင်တော့ဘူး..
အဲဒီ့နေ့ကစ..
ဝါရစ်(စ်) နှလုံးအိမ်ကို နာကျည်းကြောက်လန့်ခြင်းတွေနဲ့ သံပူကပ်ခံခဲ့ရပေါ့

ကန္တာရ ပန်းပွင့်  (၃)။

အပူရောင် လွင်ပြင်နဲ့ ဆိတ်အုပ်တစ်အုပ်ဟာ ဝါရစ်(စ်)ရဲ့ တတိယမြင်ကွင်းတွေပါပဲ
မွေးကာစ ဆိတ်ကလေးတွေကတော့ ဝါရစ်(စ်) ကို ပျော်ရွှင်စေခဲ့တယ်
ဒီလိုပဲ ဘဝဆိုတာ ကန္တာရထဲ ပွင့်တဲ့ ပန်းတစ်ပွင့်လို့
စိတ်နဲ့ကိုယ် အသားတကျနေတတ်အောင် အရာရာက သွန်သင်သွားခဲ့ပေါ့။

ဝါရစ်(စ်) ရဲ့ ရွှေရည်သိမ်းသစ်အရွယ်ဟာ ချောက်ချားဖွယ်ရာ အိပ်မက်ပဲ
၁၃နှစ်ဆိုတာ မောင်အငယ်တွေနဲ့ ကစားလို့ ကောင်းတုန်းအရွယ်ပါ အဖေရယ်
အနာတရပေါင်းများစွာနဲ့ ထိမ်းသိမ်းလာခဲ့တဲ့ အပျိုရည်တည်စကလေးကို ဒီလူအိုကြီးကို တည်ခင်းဖို့ ၊
ပဉ္စမြောက် ဇနီးမယားအဖြစ် ဒီအမဲရောင်သစ်ကိုင်းခြောက်တွေလို လူကြီးရဲ့ခြေရင်းမှာ စတေးပစ်လိုက်ဖို့
ဘယ်လိုနှလုံးသားနဲ့ ဘယ်လိုအသိစိတ်နဲ့ အဖေရွေးချယ်ခဲ့သလဲ
လူသေတစ်ကောင် ဖုတ်သက်ဝင်နေသလိုမျက်နှာထားနဲ့ လှုပ်ရှားသက်ဝင်နေရှာတဲ့ အဖေ့အငယ်ဆုံးဇနီးလေးလို
သမီးကို တစ်ဘဝလုံးရှင်သန်ဖို့
ဘယ်လို စာနာမှုနဲ့ ဘယ်လို အယူသီးမှုနဲ့ အဖေဆုံးဖြတ်ခဲ့သလဲ။

အမေ့ ငိုရှိုက်သံကြောင့် ဝါရစ်(စ်) နိုးထခဲ့လေသလား
ဝါရစ်(စ်) ငိုကြွေးနေသံကြောင့် အမေ မအိပ်နိုင်တာလား..
သားအမိနှစ်ယောက် အပြန်အလှန် ထွေးပိုက်ထားမိချိန်က
သန်းကောင်ယံအချိန်လွန်ခဲ့ပြီ…
ပြေးတော့…
အာဝေနိက ဒုက္ခတွေဆီကနေ ငါ့ သမီးပြေးတော့
အယူသည်းခြင်းတွေဆီက
လူသားမဆန်ခြင်းတွေဆီက
တစ်ဖက်သတ်ဖိနှိပ်မှုတွေဆီကနေ….ငါ့သမီး ထွက်ပြေးသွားပါတော့…
ကန္တာရထဲမှာ သေသွားခဲ့ရင်တောင်
ဒီငရဲထက်တော့ သာလွန်နေပေးဦးမပေါ့…
နောက်တစ်ကြိမ် တွေ့ဖို့ မသေချာတော့တဲ့ အမေ့ကို ဝါရစ်(စ်) အနမ်းနဲ့နှုတ်ဆက်တော့
အမေက အလ္လာကို မျက်ရည်လည်ရွဲတိုင်တည်နေခဲ့တယ်။
နောက်ကို ပြန်လှည့်မကြည့်စတမ်း ထွက်ပြေးလာခဲ့တဲ့ သန်းကောင်ယံမှာ
ဆိုမာလီယာဟာ အမေ့ငိုရှိုက်သံနဲ့ တသိမ့်သိမ့် တုန်ခါလို့။


ကန္တာရ ပန်းပွင့်  (၄)။

ဝါရစ်(စ်) အတွက် အနာတရတိုင်းက ခွန်အားပဲ
ရုန်းထွက်လွတ်မြောက်လိုခြင်းက လက်နက်ပဲ
မိရိုးဖလာဆိုတာကတော့ ဆိုးရွားရက်စက်လွန်းတဲ့ ကျိန်စာ
မြင်ကွင်းတွေက အမေကို လွမ်းတဲ့အလွမ်းနဲ့ ဝေဝေဝါးဝါးရှိပေမယ့်
ကလေးအိမ်ဖေါ်အလုပ်ဟာ ဆိတ်ကျောင်းရတာလောက် မပင်ပမ်းသလို
ဆိုင်သန့်ရှင်းရေးဝန်ထမ်းမှာ လူအိုကြီးတစ်ယောက်ရဲ့ ရမ္မက်နံ့တွေရှိနေဘူး..၊
မာရီလင်လို ချစ်စရာသူငယ်ချင်းကောင်းရှိပြီး
ရေပိုက်ခေါင်းခလုပ်နိုပ်လိုက်ရင် ရေတွေ အလိုလိုထွက်ကျလာတတ်တဲ့ လန်ဒန်ဟာ
အစိမ်းရောင် ဖိနပ်တစ်ဘက်တည်းနဲ့ ခြေချခဲ့ရပေမယ့် နေပျော်စရာ.၊

ကမ္ဘာပေါ်မှာရှိသမျှလူတွေ အသားအရောင်နက်မှောင်နေမယ်လို့
ကမ္ဘာပေါ်မှာရှိသမျှမိန်းမတွေမှာ သူ့လို ချုပ်သီလှီးဖြတ်ထားမယ်လို့
လူမိန်းမဆိုတာ လူယောကျာ်းတွေပိုင်ဆိုင်မှု နံပါတ်စဉ်ထဲက တစ်စုံတစ်ရာလို့
ဘဝဆိုတာ ငရဲခန်းဆန်ဆန်ပြဇာတ်လောက်သာလို့
ဝါရစ်(စ်) ထင် မြင်ထားသမျှ မယုံကြည်နိုင်အောင်လွဲချော်နေခဲ့ရ..၊
ခြုံပုဝါတွေအောက်က ရုန်းထွက်လာတဲ့အခါ
ဘဝမှာ သာယာနာပျော်ဖွယ်ရာတွေရှိမှန်းလည်း ဝါရစ်(စ်)သိလာခဲ့ရပေါ့။

အနက်ရောင် ပုလဲတစ်လုံးလို ချောမွတ် ထွန်းပြောင်နေမှုက
ဝါရစ်(စ်) ဘယ်နေရာမှာထားထား မမှေးမှိန်နိုင်ဘူး..
ပိုက်ဆံအနည်းငယ်ရဖို့ ဓါတ်ပုံအရိုက်ခံခဲ့တဲ့ ဝါရစ်(စ်)ဟာ
စူပါမော်ဒယ်ဆိုတာ ဘာမှန်းမသိတတ်ခဲ့
ပင်ဆယ်လ်ဟီးကို ဘယ်လိုစီးရမယ် မသိခဲ့
အင်္ဂလိပ်စကားကို အာဖရိကန်လေသံပျောက်အောင်မပြောတတ်ခဲ့
ဒါပေမယ့်
အစွမ်းကုန်ပွင့်လန်းနေတဲ့ အလှပဆုံး တောရိုင်းပန်းတစ်ပွင့်လို
ကင်မရာမီးရောင် တဖျတ်ဖျတ်အောက်မှာ
Cat Walk စင်မြင့်တွေထက်မှာ ၊ မဂဇင်းစာမျက်နှာတွေမှာ..
နှစ်လိုငေးမောနေကြတဲ့ မျက်ဝန်း အသိန်းအသန်းတွေရှေ့မှာ..

ရှည်လျားသွယ်ဖြောင့်တဲ့ ပေါင်တံရှည်တွေနဲ့ ဆံနွယ်အခွေအလိပ်တွေက
ဝါရစ်(စ်)ဒီရီကို ကမ္ဘာ့အမြင့်ဆုံးကို ပို့ပေးဆောင်ပေးခဲ့ပြီ.။


ကန္တာရ ပန်းပွင့်  (၅)။

ခမ်းမတစ်ခုလုံး တိတ်ဆိတ်ငြိမ်သက်လို့
မိုက်ကရိုဖုန်းကနေထွက်နေတဲ့ ဝါရစ်(စ်) အသက်ရှုသံကလွဲရင်
စိတ်ဝင်စားမှု ကရုဏာတွေနဲ့ တဖိတ်ဖိတ်လဲ့နေတဲ့ မျက်ဝန်းအစုံစုံကလွဲရင်
သူမကိုယ်တိုင်ပြန်ကြားနေရတဲ့ နှလုံးခုန်သံတွေကလွဲရင်
ခမ်းမတစ်ခုလုံးတိတ်ဆိတ်ငြိမ်သက်လို့..
ငါ အဆင်ပြေပါတယ် မာရီလင်ရယ်..
ဝါရစ်(စ်)မျက်ဝန်းတွေကတော့ ကြယ်စင်နှစ်စင်းလို တဖျပ်ဖျပ်ထွန်းလင်းနေခဲ့တယ်။


ကျွန်မအမေကို ကျွန်မချစ်တယ်
ကျွန်မ မိသားစုကို ကျွန်မချစ်တယ်
အာဖရိကကိုလည်း ကျွန်မချစ်တယ်
ကိုရမ်ကျမ်းစာထဲမှာမပါဘဲ လွန်ခဲ့တဲ့ နှစ်ပေါင်း ၃၀၀၀ကျော်ကတည်းက
ဒီအယူသည်းမှု အစွဲအလန်းကို ကျွန်မတို့ ဖျောက်ဖျက်ပစ်ရမယ်..
သတို့သားက ဓား ဒါမှမဟုတ် လှီးဖြတ်စရာတစ်ခုခုနဲ့
ကျွန်မတို့ ချုပ်သီထားတာကို လှီးဖြတ်ပြီး ကာမအရသာခံနေတဲ့
မင်္ဂလာဦးညတွေကို ကျွန်မတို့ ပုန်ကန်ကြရမယ်။
ရုပ်ရော စိတ်ရော နာကြင်ကြေမွနေတဲ့ အမျိုးသမီးဘဝတွေကို ကယ်တင်ရမယ်
ကျွန်မတစ်ယောက်တည်း စွန့်စားရုန်းထွက်နိုင်ခဲ့ပေမယ့်
ဆိုဖီယာက မင်္ဂလာဦးညမှာတင်သွေးလွန်လို့
အမီနာက သားအိမ်ပြင်ပမှာ သနေ တည်လို့
ဒီ ရိုးရာ အဆိပ်အတောက်ကြီးကြောင့် ကျွန်မ အစ်မတွေ အသက်ပေးသွားခဲ့ရ..
ဒီလို သွေးပျက်စရာအဖြစ်ဆိုးမျိုးနဲ့ ပန်းကောင်းတွေ အညွန့်ကျိုးခဲ့ရသလဲ
အနာဂါတ်တွေ ဘယ်လောက် တိမ်းမှောက်ခဲ့ရသလဲ…
ဘဝတွေ ဘယ်လောက် စတေးပြီးခဲ့ပြီလဲ
ကျွန်မတို့ ပထမခြေဖဝါးက စကြမယ်..
နောက်ဆုံးရောက်နေတဲ့ ကုလားအုတ်လည်း
ရှေ့ဆုံးကုလားအုတ်လောက် လမ်းလျှောက်မြန်သလိုမျိုး
အခု ကျွန်မဖြစ်တည်မှုကိုယ်ကျွန်မ ဂုဏ်ယူနေရသလိုမျိုး
ကျွန်မနိုင်ငံသူတွေကို တကယ့် အမျိုးသမီးဖြစ်စေဖို့ ……..

ဝါရစ်(စ်)အသံဟာ တုန်ခိုက်ပေမယ့် ပြတ်သားလို့
ဝါရစ်(စ်)တစ်ကိုယ်လုံးကတော့ နာကြင်မှုနဲ့ တဆတ်ဆတ်ခါလို့
ဝါရစ်(စ်) စိတ်မှာပေါ့ အစွမ်းကုန် ပေါ့ပါးသွားခဲ့တယ်..
မြင်ကွင်းက အိမ်မက်တစ်ခုလိုလို..
ခမ်းမတစ်ခုလုံး  ကြေကွဲမှုတွေနဲ့ တိုးတိတ်ငြိမ်သက်
နောက်တော့ မဆုံးနိုင်တော့တဲ့ လက်ခုပ်သြဘာသံတွေ
ဝါရစ်(စ်) မျက်ရည်ပူတွေ ကမ္ဘာအရပ်ရပ်အထိ ကူးလူးသွားခဲ့ကြ..
ချောက်ချား တုန်လှုပ်မှုတွေနဲ့ တစ်ကမ္ဘာလုံး မင်သက်သွားခဲ့ကြ
လူသာချင်းစာနာမှု နဲ့ ကရုဏာတရားတွေချင်း ယှက်သွယ်ပေါင်းစည်းသွားခဲ့ကြ..
တညီတညွတ်တည်း တွဲဆက်လိုက်ကြတဲ့ ယုံကြည်မျှော်လင့်ချက် လက်တွေ..ညီညွတ်မြဲမြံသွားခဲ့ကြ..

+++

ဆိုမာလီယာမှာတော့ သစ္စာဖေါက် မိန်းတစ်ယောက်ကို ပေါက်သတ်ဖို့
ကျောက်တုံးတွေ စုဆောင်းနေကြပေါ့။


အိန္ဒြာ
3/4/2014

အမျိုးသမီးများစောင့်ရှောက်ရေးအတွက် Desert Flower Foundation , Desert Dawn Foundation နှင့် PPR Foundation for Women’s Dignity and Rights’ တို့ကို တည်ထောင်ခဲ့သော ဆိုမာလီယာ မော်ဒယ် Waris Dirie ကို ဂုဏ်ပြုရေးဖွဲ့သည်။
ကိုးကား : Desert Flower ရုပ်ရှင်နှင့် အွန်လိုင်း Wikipedia မှ သတင်းအချက်အလက်များ