အမဲလိုက်အက

မြို့ပြလို့ပြောလည်းပဲ
အမှန်တကယ်တမ်းတော့
တောနက်ကြီးတစ်ခုလိုပါပဲ
နိုင်သူစားစတမ်းပေါ့
ရှုံးနိမ့်ခြင်းကချုံခိုစောင့်ဆိုင်း
ထောင်ချောက်တံခါးဖွင့်သံတွေ
ရှပ်ကနဲ …
လေတိုးသံတစ်ချက်က
မြားတစ်စင်းများ ဖြစ်နေမလား
စိုးရိမ်ရ …
မျက်တောင်မခတ်စတမ်း
ခလုတ်မောင်းဖြုတ်သံပဲ နားစွင့်နေရ
ဒီလိုပဲ နေသားကျခဲ့
အသက်မှန်မှန်ရှူရင်း …

ငါကိုယ်တိုင်မသေချာတယ်
ဘယ်လိုများလဲ …
မုဆိုးဖြစ်လိုက် သားကောင်ဖြစ်လိုက်
တစ်ချက်ကလေးမှ
တွေဝေချိန်မရပါလား
ဝင်လာတဲ့ဓားသွားတွေက … မြန်တယ်
ရက်စက်တယ် …
ဒီလိုပဲ ဆောင်ဓားတစ်လက်လည်း
ဓားအိမ်ထဲပြန်ဝင်ခွင့်မရခဲ့
ထိုးခုတ်သတ်ပုတ်ရင်း …
လိုက်ရင်းပြေးရင်း …

အမဲလိုက်အက
စင်မြင့်ထက်က ရှုံးတဲ့သူလဲကျမယ်
အမဲလိုက်အက
ခွန်အားရှိမှ ဆုတံဆိပ်တွေရလိမ့်မယ်

ဆင်လိုလို သမင်လိုလို
လူတွေကြားထဲ
ကျားရဲဖြစ်မှရှင်နိုင်မယ်
မျက်နှာဖုံးတွေအောက်က အစွယ်တွေက
ဝင်လာသမျှ အသေ …
သူတို့ကိုယ်သူတို့ အဲဒီလိုသွေးကြတယ်တဲ့
ဒီလိုပဲ ဖတ်ခဲ့ရတဲ့ သင်ခန်းစာ …
ကျုပ်မြင်ကွင်းထဲ ဝင်လာသမျှဟာ နေဝင်တယ်

ခွာရာတွေနာကျင်ပါစေ
ခံနိုင်ရည်မွေးထား
အတုံ့အလှည့်များတဲ့
ဒီမြို့ထဲ …
ဒဏ်ရာဗရပွနဲ့
သွေးအလိမ်းလိမ်းနဲ့
ဘယ်လောက်ကြာကြာ ရှင်သန်နိုင်မလဲ

ကဲ … အခု
ဘယ်သူ့အလှည့်တုန်း …
လေးညှို့ကိုဆွဲတင်လိုက်တယ်
ကတိုက်ကရိုက် …။ ။

မြင့်မိုးအောင်

နီကိုရဲအတွက် လွမ်းသူ့ပန်းခွေ

အရေးပေါ်အချက်ပေးသံနဲ့
အထိတ်တလန့် လူနာတင်ယဉ်ပေါ်..

နီကိုရဲ ပါလာတယ်
သူ့အလွဲတွေ ပါလာတယ်
သူ့အနုပညာတွေ ပါလာတယ်
သူ့ပရိတ်သတ်တွေ ပါတယ်..
မကြည်ပြာနဲ့ နိုင်နိုင်ဝင်းလည်း..ပါ..ပါတယ်...။

ချစ်သူများ ၊ မုန်းသူများ
ရန်သူများ၊ မိတ်ဆွေများ.
အားလုံးကို
ပြတ်ပြတ်သားသား..
အနိုင်ပိုင်းချနိုင်တာဟာ..
သေခြင်းတရားပါပဲ..။

တကယ်က
၂၁ရာစုထဲမှာ
အနုပညာသမားတွေ
ကိုယ့်ကိုယ်ကို တရိုတသေသိမ်းဆည်းဖို့လိုအပ်တယ်
ခဏလေးနဲ့ ပျက်စီးယိုယွင်းသွားလောက်အောင်
ဘ၀ကို
အကိုင်အတွယ် မကြမ်းတမ်းသင့်ပေဘူး..

အခု
မောင်ချောနွယ်လို
ထူးအိမ်သင်လို
တာရာမင်းဝေလို
ဖေါ်မြူလာဆန်ဆန်
လူ့အဖိုးတန်နောက်တစ်ယောက်
ဆိုက်ရောက် ထွက်ခွာသွားပြန်ပြီ....။

သူက
သူ့အနုပညာနဲ့ကော့ပျံစေတဲ့နှုတ်ခမ်းတွေကို
သူ့အသက်နဲ့ ဆွဲကွေးချခဲ့တာ။

အဲဒီ့နေ့..
ပူပင်သောကတွေနဲ့
တရှိန်ရှိန် တံလျှပ်ထနေမယ့်
သုဿန်မြေပေါ်မှာ..
နီကိုရဲ အခိုးအငွေ့တွေ
တိမ်တိုက်ထဲ တိုးဝင်နေပုံက..
ဘယ်လောက် ကြေကွဲဖွယ်ရာကောင်းနေလိမ့်မလဲ...

သေခြင်းတရားတဲ့.....
တံခါးလေးတွန်းဖွင့်ထွက်သွားသလို
လွယ်ကူမြန်ဆန်လွန်းလှတော့....

"ကိုရဲ..ရေ.."
နောက်ဘ၀ဆိုတာမှာ
လိုအင်ဆန္ဒအားလုံးပြည့်ပါစေ..။


အိန္ဒြာ(၂၁.၁၀.၂၀၀၉)

ကမ္ဘာကြီး..လိုနေတဲ့.. ဓာတ်စာ

ကမ္ဘာရဲ့ရာသီဥတုအခြေအနေတွေက တစ်နေ့တစ်ခြားဆိုးဆိုးရွားရွားဖေါက်ပြန်ပြောင်းလဲနေလေတော့
၂၀၁၂ မှာ မိုးပြိုစရာမလိုပဲ ဂြိုလ်ဝင်တိုက်စရာမလိုပဲ..
ဂီလာနဆန်နေတဲ့ကမ္ဘာကြီးရဲ့ကျန်းမာရေးက အဆိုးဝါးဆုံးတစ်ခုခုနဲ့ကြုံကြိုက်လာနိုင်တယ်ဆိုတာ ခန့်မှန်းကြည့်လို့ရနေသလိုပါပဲ..။
အယင်ကလည်းဖြစ်ခဲ့တဲ့ အခုဖြစ်နေတာလဲပျက်ဦးမယ်ဆိုလို့
ဘုရားရှင်ကိုယ်တော်တိုင်ဟောကြားထားခဲ့တဲ့ကိစ္စကြီးတစ်ခုမို့
၂၀၁၂ သို့မဟုတ် တစ်နေ့နေ့ကတော့ သေချာနေပါတယ်..။

အဲသလောက်မြန်မြန်လို့မသိပေမယ့် ကဗျာတွေက နမိတ်ဖတ်တယ်ပြောမလား.....
အဲလိုဆန်ဆန်ကဗျာမျိုးတွေ ရေးဖြစ်ခဲ့တာတွေရှိနေပါတယ်..။

ရေကြီးလွှမ်းလွှမ်းမီးကြီးလောင်လောင်
ကမ္ဘာတစ်ခုပျက်လို့ နောက်ကမ္ဘာတစ်ခုစကြရင်
အဲဒီ့ကမ္ဘာကို ကဗျာဆရာတွေနဲ့ ပြန်စမယ်...တို့..

ကဗျာဆိုတာ ကဗျာဆရာရဲ့သစ္စာဓိဌာန်
အဲဒီ့ သစ္စာဓိဌာန်က ကမ္ဘာဦးတေးသံဖြစ်လိမ့်မယ်..တို့ ဘာတို့တွေ
ကြီးကြီးကျယ်ကျယ်တွေရေးခဲ့ဖူးပါတယ်..။

အခု သဘာဝဘေးအန္တရယ်တွေနဲ့ပတ်သက်ပြီး ဆူနာမီပြီးခါစ ရေးဖြစ်တဲ့ကဗျာလေးတင်ပေးချင်လို့ပါ..။
ကိုယ့်ကိုစင်ယုံတင်လာစင်တဲ့ မီးပွားဆိုတော့ ကဗျာတွေဘာတွေရေးနိုင်ခဲ့ပါသေးတယ်..။
နာဂစ်ကတော့ ကိုယ့်ကို ပြာကျသည်အထိဝါးမျိုလောင်ကျွမ်းလိုက်တဲ့ မီးတောက်ဆိုတော့..
ဘယ်လိုကဗျာတစ်ပုဒ်တစ်လေ..မှချရေးမရအောင် နင့်ခဲ နာကျင်နေခဲ့ရပါတယ်..။

++++++++++++++++++++++++++++++++++++++++++++++++++++++++++

ကမ္ဘာကြီး..လိုနေတဲ့.. ဓာတ်စာ

ခေတ်က သေနတ်ပစ်ကားတွေ ကြိုက်တယ်
အငုံစိတ်တွေ မှာသွေးဆာတယ်
သွေးရဲရဲ သံရဲရဲ အနုပညာ ပြကွက်တွေနဲ့
စိတ်အပန်းတွေ ဖြေကြတယ် ............... ။

အခု ကမ္ဘာကြီး ရှူရှိုက်နေတဲ့ လေထဲမှာ
အသားတွေ မီးလောင်ထားတဲ့ ညှော်နံ့တွေ ။
ယင်မ မဲယောင်းတွေ ပါတယ် ........ ။
ယမ်းမှိုင်းမိနေတဲ့ တိမ်တိုက်တွေ
အနုမြူရောင်ခြည်သင့် သစ်ပင် ပန်းမန်တွေ
အထိတ်တလန့် လွှင့်စင်သွားတဲ့ ၀ိညာဉ်တွေ
သွေးပျက်ချောက်ချားနေရှာတဲ့ မျက်ဝန်းတွေ ပါတယ် ........ ။
ကပ်ကြီးသုံးပါး တစ်ပြိုင်တည်း ကျတဲ့ ....... အထုံတွေ
ဖင်လိမ်ကွင်း အကနဲ့ စကားပြော ဂီတတွေ
ကျောက်ခေတ်ဆန်လာတဲ့ ဖက်ရှင်တွေ
အပွင့်လင်းလွန် လိင်ယဉ်ကျေးမှုတွေ
ပုံတူမျိုးပွား သန္ဓေသားတွေ ပါလာတယ် ................. ။

အတိုင်းမသိ တိုးတက် ထက်မြက်လာတဲ့ အသိပညာတွေနဲ့
တဖြည်းဖြည်း ခမ်းခြောက်တိမ်ကောသွားတဲ့ မေတ္တာဓာတ်တွေ ..........ပါလာတယ် ။
ထိပ်ဆုံးတန်းဝင် ချမ်းသာကြွယ်ဝ မှုတွေနဲ့
အပြီးတိုင် အငွေ့ပျံသွားတဲ့ သစ္စာတရားတွေ ........ ပါလာတယ်
ခလုတ်နှိပ်နည်းပညာတွေနဲ့ သံမဏိရောင် စာနာမှုတွေ.......... ပါလာတယ်
ရွာဖြစ်အောင် သံခိပ်လုပ်ထားတဲ့ လေလှိုင်းဆက်ဆံရေးတွေနဲ့
အတွင်းထဲလှိုက်လောင်နေတဲ့ အာဃာတဖွဲမီးတွေ ပါလာတယ် ..........

ကမ္ဘာမြေကြီးက သူ့အနံ့သူ သည်းမခံနိုင်လောက်အောင် အော့နှလုံးနာနေခဲ့ရှာတယ် ....... ။

သူ့ မျက်ရည်တွေ မိုးသည်းထန်စေတယ် ............
သူ့ နှလုံးသားတွေ အတိုင်း မိုးခေါင်ရေရှားတယ်
သူ့ အရေပြားကို ဆောက်တည်ရာမရလှုပ်ခါတယ် ........
သူ့ သက်ပြင်းချလိုက်တိုင်း သမုဒ္ဒရာတွေ လှိုင်းကြွတယ် ..........
သူ့ သောကတွေက ရေခဲတောင်တွေကိုတောင် အရည်ပျော်ကျစေတယ် ........ ။

ကမ္ဘာမြေကြီးဟာ ........
သူ့မှာပေနေတဲ့ အညစ်အကြေးတွေကို ဆေးကြောဖို့
သူ့ အပေါက်အပြဲတွေကို သူ ပြန်ဖာထေးဖို့
သူ့ အနာတရတွေသူ အလျင်အမြန်ကုစားဖို့
သူ့ဘက်မှာ ဘယ်သူ ရှိလေမလဲ .............

မရဲတရဲလေးတောင် လှပ်မကြည့်ဝံ့ရှာဘူး ...........။

အိန္ဒြာ

ပိတောက်ပွင့်သစ်မဂ္ဂဇင်း(၂၀၀၈)

++++++++++++++++++++++++++++++++++++++++++++++++++++++++++

ကဗျာလေး ဖတ်တာကတော့ အပ်ိုင်း(၁) လို့သဘောထားပြီး..အပိုင်း (၂)ဆက်ချင်ပါသေးတယ်...:P ။

တကယ်လို့ကမ္ဘာပျက်မယ်ဆိုရင်ပေါ့...ဆိုပါဆို့
"ကမ္ဘာပျက်ခါနီး တစ်လလောက်အလို" ဆိုပါတော့...
ဘယ်လိုတွေ ခံစားတွေးတောမိမလဲ...ဘယ်လိုတွေနေထိုင်ကြမလဲ...
ရယ်ရင်းမောရင်းစဉ်းစားမိရာက ဗြုန်းကနဲ တည်တည်တံ့တံ့ ကြီးစဉ်းစားမိလာပါတယ်...။
နောက် သိလည်းသိချင်လာပါတယ်..။
ဆိုလိုတာက Tag အနေနဲ့ စပ်စုချင်လာပါတယ်..။
ကိုယ့်ချည်းအမေးခံနေရတာကြာနေပြီ..း(

(၁)။ ဘယ်သူတွေနဲ့ရှိနေချင်လဲ..

မိသားစုလို့ ဖြေလိုက်ရပေမယ့် မသေချာပါဘူး..။
ကိုယ့်ရှေ့မှာ ဘယ်လိုတွေခံစားသွားရမလဲဆိုတာမျိုး..ဘယ်လိုမှ ကြည့်ရက် တွေ့ရက်မယ်မထင်ပါဘူးးး။
ဖြစ်နိုင်ရင် ညာလက်နဲ့မေမေ့လက်ကို ဖေးမပေးထားပြီး
ဘယ်လက်နဲ့ မောင့်လက်မောင်းကို တင်းတင်းကြပ်ကြပ်ဆုတ်ကိုင်ထားချင်ပါတယ်..။
အဖြစ်ချင်ဆုံးက ဘယ်သူတွေ ဘာမှမဖြစ်ချင် ကိုယ်အရင်ဆုံးသေသွားတာမျိုးပေါ့။

(၂)။ဘာတွေခံစားနေရမလဲ..

သေရမှာ ကိုကြောက်ရမှာထက် ဘယ်လိုတွေဖြစ်မလဲ ဘာတွေဖြစ်မှာလဲဆိုတဲ့ စပ်စုလိုစိတ်တွေနဲ့
ယောက်ရက်ခတ်နေ လှုပ်ရှားတက်ကြွနေမှာပါ..။
(အထူးသဖြင့် ငါသေပြီးလို့မှ ရက်မလည်ခင်နောက်တစ်ယောက်ရှာနေမလားတို့..
မေမေအဆင်ပြေပါ့မလားတို့ စသဖြင့်နောက်ကြောင်းတွေမရှိ ရှုင်းရှုင်းလင်းလင်းသေရမှာဆိုတော့
သေရတာ ၅၀ရာခိုင်နှုန်းလောက်သက်သောက်သက်သာရှိမယ်ထင်ပါတယ်..။)

(၃).ဘာတွေပြင်ဆင်ထားမလဲ

ဗုဒ္ဓဘာသာဝင်တစ်ယောက်ဆိုတော့ အပါယ်တံခါးပိတ်အောင် သောတပန်ဖြစ်ချင်ဇောနဲ့တရားစခန်းတွေ ၀င်မိဦးမယ်ထင်ပါတယ်..
သေချာတာ ဒီလိုစိတ်နဲ့မို့ ဘာမှဖြစ်မှာမဟုတ်ပါဘူးးးး။

(၄)၀မ်းနည်းမိမှာက

အခုထိဘာမှ မသိသေးတာကိုပါ..။
ဘာမှမသိသေးပဲသေသွားရမှာကိုပါ
ကိုယ့်နောက်ပါလာမယ့်အရာတွေကို ကိုယ်တိုင်ချရေးမရတာကိုပါ...။

(၅)။ကြောက်လန့်မိတာက..

ဘယ်ကိုရောက်လိမ့်ဦးမလဲနဲ့
မကျေနိုင်သေးတဲ့ အကြွေးတွေ..

(၆)။ဆောင်ထားချင်တာ..

စိတ်ပါ..။
ဘယ်ကိုယ်မှ ပျံ့လွင့်မနေပဲ မြင်သိ ကြားသိ ခံစားသိ စိတ်တစ်ခု။

(၇)။ဘာတွေရေးမိမလဲ..

စိတ်ကူးပေါက်ရာတွေ ရူးစပ်စပ်ကဗျာတွေရေးမိမှာသေချာပါတယ်..။
ကယောင်ခြောက်ချားနိုင်ကောင်းနိုင်ပါလိမ့်မယ်...
(တစ်နေ့တစ်နေ့ ရာသီဥတုနဲ့ ဂြိုလ်သိမ်ဂြိုလ်မွှားတွေရဲ့သတင်းတွေကိုတော့ အလုအယက်ဖတ်ရှုနားထောင်ဖြစ်မှာပါ..။)

(ဂ)။တွေးမိတွေးရာ အတွေး

တကယ်တော့ ဘာမှမဟုတ်ပါလား...
ငါတို့ရရှိခဲ့တာလား.......
ငါတို့ ဆုံးရှုံးခဲ့တာလား........
ငါ တို့ ဘယ်သွားရဦးမလဲ..
ငါတို့ ဘယ်လောက်ကြာဦးမလဲ..
(နောက်ကမ္ဘာပြန်စရင် ဒါဝင်ပြောတဲ့မျောက်တွေလိုကပဲပြန်စမှာလား...
ဗြဟ္မာ တွေမြေသင်းဆင်းစားအောင်စောင့်ရမှာလား..
အာဒံနဲ့ဧ၀ပဲ ပန်းသီးစားတဲ့ ဇာတ်လမ်းမျိုးလာဦးမှာလား...
စစ်ပွဲတွေဖြစ်ကြဦးမှာလား...
Zပြောသလို ငရဲမှာနေစရာမရှိ နတ်ပြည်မှာနေစရာမရှိ ကောင်းကင်ဘုံတစ်ခုလုံး ကြပ်ညပ်သပ်နေမှာလား ) စသဖြင့်ပေါ့လေ...တော်တော်များမှာပါ

(၉)။ဂုဏ်ယူချင်တာက

အနိစ္စ၊ဒုက္ခ၊အနတ္တ ကိုကြားနာယုံကြည်ခွင့်ရခဲ့တယ်..
ဒီဘ၀မှာ ကဗျာတွေးရေးဖြစ်ခဲ့တယ်..

(၁၀)။ရှာကြံဖြေသိမ့်မိတာက

ဘယ်လောက်ကဖြစ်တည်ခဲ့မှန်းမသိတဲ့
လူသားတွေ အံ့နဘန်းစွမ်းဆောင်နိုင်နေ..ပါတယ်ဆိုတဲ့
ဘာသာ.အတွက် ၊ အာဏာအတွက် သွေးတွေမြေမှာစွန်းပေခဲ့ရတဲ့
ဟောဒီ့ နှစ်သိန်းလေးသောင်းအထုရှိတဲ့ မဟာပထ၀ီမြေကြီးတစ်ခုလုံး..
အပြီးတိုင်ပျက်စီးသွားတာကို မျက်မြင်ဒိဌ တွေ့ခွင့်ရလိုက်တယ်ပေါ့လေ..


(၁၁)။ကျူးရင့်ချင်တဲ့ ဥဒါန်း

((((( ဟေ့!!!!!!၂၁ရာစု ဘဒ္ဒကမ္ဘာရဲ့နောက်ဆုံးလူသားမျိုးနွယ်ကွ...))))

++++++++++++++++++++++++++++++++++++++++++++++++++++++++++

ဆယ့်တစ်မီးငြိမ်းအောင် ၁၁မှာပဲ ရပ်ထားလိုက်ပါတယ်....။
ကိုယ့်ဘာသာကိုယ် တွေးမိတာတွေရှိရင်လည်းဖြည်းစွက်ပြီး လူကျန်မရှိအောင်ဆက် tag ပေးကြပါ..။
အိန္ဒြာ လက်တို့မေးချင်သူတွေကတော့..

ဆရာမမေငြိမ်း
ကိုအောင်သာငယ်
ကိုဆောင်းယွန်းလ
ကိုသစ်ကောင်းအိမ်
ကိုတင်မင်းထက်
ကိုလင်းဦး
မမ နော်ဟရီ
မမမိုးချိုသင်း
မကေသွယ်
အမည်မဲ့
ပန်ဒိုရာ
မ၀ါဝါခိုင်မင်း
အောင်ပိုင်စိုး
မိုးလှိုင်ည
မိုးကုတ်သား
ဇက်
ကိုရင်နော် ခင်လေးငယ်
ဟက်ပီးကလောက်
မိုးမြင့်တိမ်
မိုးကြယ်
အိမ်မက်ရှင်
ကိုလူထွေး
ဖိုးစိန်
ရွာသားလေး
အိုင်လွယ်ပန်
လင်းဒီပ
မယ်ကိုး
အမရာ
ကောင်းကင်ပြာ
အရုပ်ကလေး
ခရေတွန်

အားနာပါးနာ လူ ၃၀ ပဲ tag လိုက်ပါတယ်..။
ကျန်တဲ့သူတွေအတွက် အသီးသီးအသကာအသကာ တာဝန်ယူပေးကြပါဦး..။

ချစ်ခင်လေးစားစွာ

အိန္ဒြာ

ကမ်းခြေနဲ့ အခေါ်အပြောဝေးနေရတဲ့ ပင်လယ်

ပင်လယ်ဆိုတာမှာ
သွေးဆူတတ်သူမိစ္ဆာဆိုးတွေ ပုန်းခို
လှိုင်းပါးပျဉ်းတွေကို
ကြောင်လက်သည်းလို ၀ှက်ဝှက်ထားတတ်ပေါ့

ပင်လယ်ရဲ့ အလှမ်းအကမ်းမမြင်နိုင်ခြင်း..အနုပညာက
တစ်ဘက်မှာ ဘာရှိမလဲမျှော်လင့်ချက်တွေကို ဖူးစေခဲ့..။

ဘယ်တော့ ပွင့်မယ့်ပန်းလဲမသိတဲ့ ပင်လယ်..ပါ
ဆည်းဆာချိန်တွေမှာမှ..တိမ်တောက်ပြ
နေ၀င်ချိန်တွေကို ရွေးရွေးလှပတတ်ခဲ့တာ..

အဆုံးအစမဲ့..စီမျောခြင်းသစ္စာတစ်ခုသာ
ထီးထီးကြီး…လှိုင်းထကျန်ရစ်တဲ့ ပင်လယ်…
သူ့ အလွမ်းသူ မှိုင်းမလို့
စုန်းမီးတောက်တောက်ပြတဲ့ ပင်လယ်..
သူ့ အနားသတ်နဲ့သူ...ဝေးလံလွမ်းဆွတ်နေရသမျှ..
သူ့မျက်ရည်သူ မျိုမျို ချထားရတဲ့ ပင်လယ်လေ....

အဲဒီ့ပင်လယ်က ရွက်ကြမ်းရေကြို လှိုင်းကြက်ခွပ်လေးနဲ့..လဲ့ပြာ..
လရိပ်မှာ ဒီရေဆန်ဆန်ကျူးကျော်ရမ်းကားလို့..
သန္တာကျောက်ဆောင်တွေကို အခွင့်ရတိုင်းခတ်ထုတ်ဖို့..
ရာဟုမှာ အနီရောင်သမ်းတိုင်းလက်ခမောင်းခတ်ပြတတ်ခဲ့ပေါ့..

ကြမ်းကြားလေကြား
လျှို့ဝှက်အပ်သောစကားတွေ ဘောင်ဗင်ဆန်နေတဲ့ ပင်လယ်
ဇီဝဇိုးတွေကို လက်ထိုးအန်ခိုင်းခဲ့တဲ့ ပင်လယ်
ငါးပွက်ရာ ငါးစာချသူတွေ..တက်စုံဖွင့် ရွက်ကုန်လွှင့်ထွက်လာတဲ့ ပင်လယ်..
ကောင်းကင်ကို မှန်တစ်ချပ်လို..အရိပ်ကြည့်နေခဲ့ပြီး..
တိမ်တွေကို ဖက်ရှင်ဆန်ဆန် ချုပ်လုပ်ဝတ်ဆင်ချင်တဲ့ ပင်လယ်လေ

အဲဒီ့ပင်လယ်မှာ မကျက်နိုင်တဲ့ အနာတရတွေမြှုတ်သတ်ခံခဲ့ရ..
အဲဒီ့ပင်လယ်ဟာ မဆန့်ရင်ကာ မျိုချထားရတဲ့
တစ်စုံတစ်ရာတွေနဲ့ ကျွက်ကျွက်ငံခဲ့ရ
ပင်လယ်က…သူ့အယောင်ဆောင် တေးသီချင်းတွေနဲ့…
သူ့သတင်းသူဆိုညည်းပြနေရဲ့

ချောင်းတွေ မြစ်တွေက
သူတို့ အညစ်အကြေးမှန်သမျှကို
အာမနာပ လှဲကျင်းအချ ခံနေရတဲ့ ပင်လယ်ပါ......

နောက်ဆုံးတော့
အဲဒီ့ပင်လယ်ရဲ့ ကမ်းခြေမှာ.
ရေနာကျနေတဲ့ စိတ်အသေတွေသာ.......
အတုံး...အရုံး....
ကျဆုံး...
ကျန်ရစ်ခဲ့...


အိန္ဒြာ(၂၃.၈.၂၀၀၉)

(အစ်ကိုကဗျာဆရာကိုသစ်ကောင်းအိမ်ရဲ့ ပင်လယ်ကဗျာကိုနှစ်သက်မိပါသဖြင့် အတုခိုးရေးသားပါသည်..။)

Essential Art Is Natural Delightful Realistic Adventure

1. What is your name : -

Essential
Art
Is
Natural
Delightful
Realistic
Adventure.

2. A four Letter Word : Epic

3. A boy's Name : Edgar Allan Pole

4. A girl's Name : Ella Wheeler Wilcox

5. An occupation : Epicure

6. A color : Emerald

7. Something you'll wear : Eye Glass

8. A food : Eclair

9. Something found in the bathroom : Elbow Pipe

10. A place : Europe

11. A reason for being late : Exit lost

12. Something you'd shout : Escape soon

13. A movie title : Elderly Suicide

14. Something you drink : Erode

15. A musical group : Eagle

16. An animal : Eel

17. A street name : East Coast

18. A type of car : Eclipse

19. The title of a song : Eight days a week

20. A verb : Echo

မမ မနော်ဟရီ ၊ လင်းဒီပ နဲ့ မိုးကုတ်သားတို့ မေးလို့ဖြေပါသည်..။
ဗမာလိုမရေးနိုင်တော့ပါ..။
ပြန်ပြီးခေါင်းစားဖို့ အသည်းအသန်တွေးနေပါသည်...။
မကြာမှီလာမည်...မျှော်.....။

အိန္ဒြာ

ကြယ် အ "တေး"

ငါဟာ...
နင့်ကောင်းကင်..အစွန်အဖျားက
အမှုန်အမွှား..ကြယ်စင်တစ်စင်းပါ..
ငါ...တလဲ့လဲ့..ထွန်းလင်းရွှန်းပချင်သလောက်
နင်တဖွဖွ..အုံ့ဆိုင်းမှိုင်းရီ..ခဲ့..

ငါ့..ခမျာ
ဖြေဆိုခွင့် မရတဲ့..စာပြန်ပွဲမှာမှ..
အမှတ်ရာပြည့် ရချင်နေသူလေ..
ရာသီဥတုကို အလိုက်သိတတ်လွန်းပြန်လို့
ရွယ်ရုံနဲ့..ကွဲချင်နေတဲ့..အိုးတစ်လုံးလိုမျိုး
ငါ့..ရင်ဘတ်ကိုငါ..ရိုသေသိမ်းဆည်းခဲ့..

ငါက..
နင့်စောင်းကြိုးမျှင်ကိုမှ..တလွင်လွင် ချိုမြချင်သူလေ..
မှတ်တိုင်ပျောက်နေတဲ့ ခရီးကို..တက်စီးလာခဲ့မိလိုက်တာ
ရွေးချယ်မှုတွေပဲ...မှားယွင်းခဲ့တာလား...
(မဟုတ်ဘူး)
ရွေးချယ်မှုတွေက..ငါ့ကို..မှားယွင်းသွားခဲ့တာ..
ငါ့ ကို...ချိုးဖဲ့..ဖူးပွင့်ပါ..
ငါ့ ကို...ဆုတ်ဖြဲသစ်လွင်ပါ..
ငါ့ ကို...ခပ်ယူချမ်းမြေ့ပါ..
ငါ့ကိုယ်ငါ..ကျစ်ခဲထားလေသမျှ..
ဘယ်သူ့ကို..ဝေမျှ ကြေကွဲရမလဲ..
ပွဲမစခင်ကတည်းက..ခြေခေါက် ချော်နှင့်ပြီးသား..
ဘယ်လောက် ဆိုးဝါးထားသလဲကွယ်..

ငါ့..ဆေးဘက်ဝင် အလွမ်းခါးခါးကြီးတွေနဲ့
နင့်ဘ၀ကို..မလေးလံစေဖို့
ငါ့စည်းမျဉ်းနဲ့ငါ..ဘောင်ခပ်ကြပ်ကျဉ်း..
ငါ့သက်ပြင်းနဲ့ငါ...ဆင်းရဲတွင်းနက်ခဲ့

တကယ်ပါ...
နင့်..သံသရာအထိ..အနှောက်အယှက်နေမလား...
ငါ့ဆုတောင်းကိုငါ....ရွေးချယ်မှောင်မိုက်ပေါ့...

ငါ့..ရူးသွပ်မှုတွေ..နင်..မောင်းနှင်ခဲ့တာ..
ငါ့..နက်ရှိုင်းမှုတွေ..မိုးလို..ရွာမပြနိုင်ပေမယ့်...

ငါ့..ဘက်က..ပြိုကျသွားလေသမျှ
နင့်..ဘက်..မှာ..သောင်..ထွန်း..ပါ..စေ..သား...။ ။


အိန္ဒြာ

ဆားချက်တာတော့ချက်တာပေါ့..ဒါပေမယ့် ဒီကဗျာလေးကိုပြန်တင်ပေးပါလို့ ပရိတ်သတ်တစ်ယောက်ကတောင်းဆိုလာလို့ပါ..းP

{၂၀၀၃ခုနှစ် သြဂုတ်လထုတ်.. မြားနတ်မောင်မဂ္ဂဇင်း (အမှတ်-၁၃၄)မှာ ပုံနှိပ် ဖေါ်ပြခဲ့ပြီး..၊ ဂီတမိတ်မှာပြုလုပ်ခဲ့တဲ့.. ကဗျာ..ရွတ်ပွဲလေးတစ်ခုမှာ..ရွတ်ဆိုခဲ့ဘူးပါတယ်..။}

သေနေတဲ့ နာရီ

+++++++++++++++++++++
တကယ်ဆို ဒီပန်းချီကားကို သူအဆုံးသတ်သင့်နေပြီ..။
ပိတ်လှောင်နေတဲ့ အခန်းကျဥ်းထဲမှာ
သူက သေနေတဲ့ နာရီပုံတူကို ဆွဲနေတာ..ဘယ်လောက်ကြာပြီလဲ..
အပြင်ကိုသူ ချောင်းကြည့်လိုက်မိပြန်တယ်.. ကြယ်အကြွေတွေ ပြည့်သိပ်နေတဲ့ လမ်းမက အမှောင်ထဲမှာပုံသဏ္ဍန်မပျက်လဲလျောင်းအိပ်စက်နေတုန်း..။
လရောင်ဝါးဝါးမှာ...အရိပ်တွေ တစ္ဆေလို ရှိနေကြတုန်းလား...
တိမ်တွေဟာဓူဝံကြယ်ကိုတော့ဖုံးအုပ်မပစ်နိုင်ဘူးသေချာတယ်လို့
တွေးမိပြန်တော့..သူအသက်ရူလို့ကောင်းလာသလိုပဲ..။
ချက်ချင်းဆိုသလို သူ ကဗျာတစ်ပုဒ်ပုဒ်ဆာလာတယ်..
နောက် ချစ်ခြင်းမေတ္တာနည်းနည်းနဲ့..အနွေးဓါတ်တစ်ခုဆာလာတယ်...
နောက်..ကြည်လင်နေတဲ့ အလင်းပျောက်တစ်ပေါက်လောက်....
နောက်...အနံ့တွေမပါတဲ့ လေသန့်စစ်စစ်..လေပြည်တစ်ဝှေ့လောက်... ဟုတ်တယ်..သူတကယ်ကိုဆာလောင်နေခဲ့ပြီ... ဆာလောင်ခြင်းဟာစေ့စေ့စပ်စပ်ကြည့်လေ...နာကျည်းဝမ်းနည်းဖွယ်ရာကောင်းလေပါပဲ.. ဆာလောင်ခြင်းဟာ..စိတ်တွေကို တဆတ်ဆတ်ထိုးဆိတ်နေတဲ့ ငှက်ဆိုးတစ်ကောင်ရဲ့နှုတ်သီးပဲ ဆာလောင်ခြင်းဟာ..သွေးတွေကိုတပွက်ပွက်ပူခြစ်လာစေနိုင်တဲ့ မောင်းနှင်အားပဲ... သူ့အရိုးထဲ ခိုက်ခိုက်တုန်မတတ် အလွမ်းတွေ ကျဉ်စက်တက်လာတဲ့အခါ..
သူဟာ..ပန်းချီကားရှိရာကို ဆာဆာလောင်လောင်ကြီးမျက်နှာမူမိလိုက်တယ်
သေနေတဲ့ နာရီပေါ့..အဲဒီ့ပန်းချီကား..ဟာ။။

+++++++++++++++++++++

သူ့ဆံပင်တွေဟာ..ခါးသက်စရာကောင်းလောက်အောင်ရှည်လျားနေခဲ့လောက်ရောက်ပေါ့
ဆံပင်တွေရှည်သလို..နောင်တတွေများရှည်ထွက်လာခဲ့သေးလား.
မဟုတ်ပါဘူး..နောင်တဆိုတာ..အလွမ်းနဲ့ငြိုးသူ့ရန်ဖက်ပဲ...
ဆံပင်တွေရှည်သလို...အလွမ်းတွေထိုးထိုးထောင်ထောင်ရှည်လာတာ...
အိုးးးးးးးး
ဟိုးးးးးဝေးဝေးက ရထားဥသြဆွဲလိုက်သံလား....
ရထားဘီးတွေ..ခရီးတွေကို စီးပြီး တ၀ှီးဝှီးလည်ပတ်နေကြလား...
ရထားခေါင်းတွဲက အခိုးအငွေ့တွေ...လေထဲမှာ..တိမ်မျှင်တွေလို တန်းနေမှာလား...
ရထားဟာ..အရှိန်နည်းနည်းလျှော့လိုက်ပြီလား...
ရထားပြတင်းမှာ...လက်ပြနေသူတွေရှိသလား.......
ရထားဟာ..ဘူတာဆီကို နီးကပ်လာပြီလား...
ဘူတာမှာ မျှော်လင့်ခြင်းတွေကိုအစွမ်းကုန်တပ်ဆင်ထားတဲ့မျက်ဝန်းတွေ...စောင့်ဆိုင်းနေပြီလား..
ရထားဟာ..ဘူတာလေးကိုကျော်သွားပြန်ပြီလား..။
ရထားဘီးအကြိတ်မှာ...တသိမ့်သိမ့်တုန်ခါနေတဲ့ သံလမ်းတွေရဲ့ညည်းညူသံဟာ..
သိပ်ကို အဓိပ္ပါယ်ပြည့်ဝတဲ့ပေးဆပ်နာကျင်ခြင်းတေးသွား..ပဲ
သူ့အရိုးထဲ ခိုက်ခိုက်တုန်မတတ် အလွမ်းတွေ ကျဉ်စက်လာပြန်ပြီ..။

++++++++++++++++++++++++++
အဲဒီ့ ပန်းချီကားဟာ..သေနေတဲ့ နာရီပဲ...
ပန်းချီကားရဲ့နောက်ခံကို သူက အနက်ရောင်ကိုရွေးချယ်ခဲ့တယ်...
ဟုတ်တယ်....အနက်ရောင်.. ပိန်းပိတ်နေတဲ့ အနက်စစ်စစ်အရောင်ပါ..။ အဲသလိုပိန်းပိတ်ခြင်းအနက်ရောင်ထဲမှာ..နာခံရိုကျိုးခြင်းတွေပါနေတယ်..။
နောက်..အနိဌာရုံများစွာကို သပ်သပ်ချေချေ အနှစ်ချုပ်ပြထားလိုက်ခြင်းတွေပါနေတယ်..။
အို...ဘုရားသခင်ကို ယုံကြည်ကိုးစားခြင်းတွေနဲ့..နက်ရှိုင်းတည်ငြိမ်နေတဲ့ ၀ိḩာဉ်တွေပါ ပါဝင်နေတာပါ..။ သြဇာအာဏာနဲ့ စွမ်းရည်သတ္တိ တွေ သိပ်သည်းမှောင်မိုက်နေစေဖို့ သူအနက်ရောင်ကို ၀ံ့ဝံ့စားစားရွေးချယ်ပစ်ခဲ့တာနေမှာပေါ့ စွမ်းရည်သတ္တိ..စွမ်းရည်သတ္တိ..
အဲသလို တဖွဖွ..ရေရွတ်လိုက်မိတာနဲ့
သူ့အကြည့်တွေက အပြာရောင်ကြယ်တွေဆီရောက်ကိုရောက်သွားပြီ
သစ္စာခံယူခြင်းသင်္ကေတတွေနဲ့ အပြာတွေက ပြာနေကြတာပါ..။
အဲဒီ့မှာ သတ္တ၀ါတွေကောင်းကျိုးသယ်ပိုးစိတ်တွေတစိမ့်စိမ့်ဖြာထွက်နေခဲ့တာ.
ကောင်းကင်ကြီးကို ကိုယ်စားပြုထားတဲ့ အပြာကို သမုဒ္ဒရာကြီးကိုကိုယ်စားပြုထားတဲ့ အပြာကို သူ့ပန်းချီကားထဲက ကြယ်တွေ ကြယ်ကြွေတွေ ရဲ့အရောင်အဖြစ်ရဲရဲဝံ့ဝံ့ရွေးချယ် ပစ်ခဲ့တယ်..။ အပြာတွေဟာစွမ်းရည်ထက်မြက်ကြတယ်.. အပြာတွေဟာစွမ်းရည်ထက်မြက်ကြတယ်... သူဒီလိုခပ်ဖြည်းဖြည်းရေရွတ်လိုက်မိတယ်....။
နောက် ခပ်မြန်မြန်ကြီး..တရစပ် ရေရွတ်နေမိတယ်... အပြာတွေဟာစွမ်းရည်ထက်မြက်ကြတယ်...အပြာတွေဟာစွမ်းရည်ထက်မြက်ကြတယ်...
ဒါပေမယ့် ဒီနေ့လည်း..ပန်းချီကားကို..အဆုံးမသတ်နိုင်ပြန်ပါဘူး..။

++++++++++++++++++++++++++

သူအနီရောင်ဆေးကိုစိတ်တိုင်းကျစပ်ဖျော်နေမိတယ်...
တဖြည်းဖြည်းအနီရောင်တွေဟာ..သူ့နှလုံးသွေးစက်တွေလိုပဲ..
ရုတ်တရက်မယုံနိုင်လောက်အောင်ကြေကွဲခြောက်ချားလာတယ်..
အနီရောင်..အနီရောင်တွေ..
အနီရောင်တွေဟာ..ဆန့်ကျင်ဘက်ကို အလဲထိုးအောင်နိုင်ခြင်းတဲ့.
.အနီရောင်ဟာ..မျှော်လင့်ချက်ရောင်ခြည်ရဲ့ အငွေ့အသက်တွေတဲ့..
အနီရောင်ဟာ..ပြင်းထန်တဲ့ စိတ်လှုပ်ရှားထိခိုက်မှုကို အပေးနိုင်ဆုံး ချစ်ခြင်းတရားတွေတဲ့..
သူများထက်ချစ်တတ်သူတွေဟာ..အနုပညာသမားတွေဖြစ်ကြတယ်..
အနုပညာသမားဆိုတာ.သူများထက်ချစ်တတ်တယ်...
အနုပညာသမားဆိုတာ..အရာရာကိုချစ်တတ်တယ်..
အနုပညာသမားဆိုတာ..အရာရာကိုချစ်တတ်ခြင်း.စိတ်ဝိဥာဉ်အတွက် သူတို့နှလုံးအိမ်တွေကို အမြဲတမ်း.ရှုင်းလင်းသန့်စင်ထားခဲ့ကြသူတွေဖြစ်တယ်..
သူဟာ..ကျွန်တော်ဟာ..သိပ်ချစ်တတ်တဲ့ အနုပညာသမားတစ်ယောက်ပါ..
ကျွန်တော့ချစ်ခြင်းတရားတွေထဲမှာ အမှန်တရားက နံပါတ်စဉ် တစ် မှာပါခဲ့တယ်..
အမှန်တရားကို ချစ်ခင်ခြင်းဟာ..အမှားတွေကို ထိပ်တိုက်ရင်ဆိုင်ခြင်းစိန်ခေါ်ပွဲတစ်ခုပေါ့..
စိတ်ချ..ကျွန်တေ်ာ့ခရီးက အမှန်တရားနဲ့စခဲ့လို့ အမှန်တရားနဲ့ အဆုံးသတ်မှာပါ...
မင်းသိပ်ခေါင်းမာတဲ့ ကောင်ပဲကွာလို့..ဖေဖေကမချိတင်ကဲ..မြည်တမ်း..ကြေကွဲသွားသေးလား..
ချစ်သူ့ရဲ့ နာကျည်းအံကြိတ်သံတွေ ပဲ့တင်ရိုက်ခတ်နေပြီလား...
ချစ်သူဟာ..ဘယ်သူ့ရာသီမှာ..လှလှပပပွင့်ပြနေရတဲ့..ပန်းလေးတစ်ပွင့်ဖြစ်နေခဲ့ပြီလဲ...
အမေ....အမေ...လို့ သူ့တမ်းတသံတွေကို...နောက် သူရဲ့ ငိုကြွေးခြင်းကို သူက သူ့မျက်ရည်တွေနဲ့မပေါ့ပျက်စေလိုဘူး....
နာရီတွေ...နာရီတွေ..နာတာရှည်အဖျားသွေးနဲ့..ကယောင်ကတမ်း..ညည်းညူကိုက်ခဲနေတဲ့ နာရီတွေ..
နောက်....သေဆုံးသွားကြပြီဖြစ်တဲ့ နာရီတွေ....
အိုးးးး
သွားစမ်းးကွားးးးးးးဒီအနီရောင်တွေ..
သူအနီရောင်ဆေးတွေကို ကြမ်းပြင်ပေါ်သွန်မှောက်ကျဲပက်ပစ်လိုက်တယ်...။

++++++++++++++++++++++++++

သူဟာတကယ့်ကို အလွမ်းတွေနဲ့ခိုက်ခိုက်တုန်နေခဲ့ပါပြီ... ဘာ..မှာမမြင်နိုင်တဲ့အရပ်ကိုမျှော်ကြည့်နေခြင်းဟာ..အရာရာပဲ..
ဘာ..မှ မရှိတဲ့ ရှုမျှော်ခင်းတွေဟာ..အရာရာပဲ... အဲဒီ့အရာရာတွေကို စုစည်းထုတ်ပိုးပြီး..
.သူဒီပန်းချီချပ်ကို အဆုံးသတ်ရပါလိမ့်မယ်...
ဖြစ်ချင်တိုင်းဖြစ်နေတဲ့ ဖြစ်ခဲ့ ပျက်ခဲ့ သမျှ အခင်းအကျင်းတွေကို.ရောစပ်ပြီး.
သူက သမမျှတအောင်..အရောင်ချယ်ကြည့်ရပါလိမ့်မယ်..
ဒီ့ထက်စိတ်ပျက်ညစ်ညူးဖွယ်ရာမရှိတော့တဲ့ ဆက်တင်ကို..သူက စုတ်ချက်ခပ်ကြမ်းကြမ်းနဲ့ သရုပ်ဖေါ်ကြည့်ရပါဦးမယ်..
ဒီပန်းချီကားချပ်ရဲ့ကောင်းကင်ကို သွေးခြည်နည်းနည်းဥပေးပြီး.. ဒီပန်းချီကားချပ်ရဲ့..ထောင့်စွန်းမှာ..ဆာလောင်ခြင်းသစ်ပင်ကို
ခရမ်းရောင်တွေနဲ့စိုက်ပျိုးရပါလိမ့်မယ်..
လေထုထဲမှာ..အလွမ်းတွေ ထူထူသိပ်သိပ်ဝဲဝေ့နေတာကို...
သူက ဒီပန်းချီတစ်ချပ်နဲ့တင်.. သရုပ်ပေါ်ပီပြင်အောင် နက်နက်ရှိုင်းရှိုင်း ရေးဆွဲရပါလိမ့်မယ်...
သူက သူ့ဆုံးရှုံးခြင်းတွေရဲ့ တန်ရာတန်ကြေး နီးပါးအတိုင်း ဒီပန်းချီကားကို ရင့်ရင့်ရိုင်းရိုင်း ရေးဆွဲရပါလိမ့်မယ်... ဒီပန်းချီကားထဲမှာ..သူ့ရဲ့သေနေတဲ့ နာရီကို အဓိက အသားပေးပြီး..စူးစူးရှရှရေးဆွဲရပါလိမ့်မယ်.. ဒီပန်းချီကားချပ်ထဲမှာ..လှောင်ပိတ်မွန်းကြပ်နေတဲ့ အခန်းအိုအိုတစ်ခုရဲ့ ရနံ့ကို စနစ်တကျဆေးဖျော်စပ်ပြီးကြေကြေကွဲကွဲ ရေးဆွဲရပါလိမ့်မယ်.. အစိမ်းရောင်ဆေးဖျော်ခွက်ကို အဝေးဆုံးမှာရွှေ့ထားပြီး ဒီပန်းချီကားကို သူက နာနာကျည်းကျည်း ရေးဆွဲရပါလိမ့်မယ်..
နောက် အနာတရအမျိုးမျိုးနဲ့ ပုံသဏ္ဍန်ပျက်ယွင်းစပြုနေတဲ့ သူ့နှလုံးသား ပုံတူတစ်ခု နောက်..ဘယ်တော့မှ..မကျက်နိုင်လောက်အောင်..လှိုက်စားကိုက်ခဲနေခဲ့တဲ့...
စိတ်ဒဏ်ရာတွေ.. အားလုံးကို အနုစိပ်သရုပ်ပါအောင် သူဆွဲပြရပါလိမ့်မယ်....
ဟုတ်တယ်... သူဆွဲရမယ်.....
သူက..ဒီပန်းချီကားကို..ရေးဆွဲပိုင်ခွင့်တစ်ခုထဲ မိမိရရပိုင်ဆိုင်ထာခဲ့သူ..
သူက ဒီပန်းချီကားချပ်ထဲက သက်ငြိမ် သရုပ်ဆောင် လက်စသတ်ရမယ်...။
သူ ပဲ လက်စသတ်ရလိမ့်မပေါ့...ဒီပန်းချီကားကို.....
ဒါပေမယ့် ဒီနေ့လည်း..ပန်းချီကားကို..အဆုံးမသတ်နိုင်ပြန်ပါဘူး..။

++++++++++++++++++++++++++

မျှော်လင့်ချက်ဆို တာ ဘယ်တော့မှမညှိူးတတ်တဲ့ ပန်းတွေပါ...
ကောင်းကင်မှာ..ကြယ်တွေ မရေတွက်နိုင်အောင်.တလက်လက်လင်းပနေဆဲပါ..
ခုတိုက်ခတ်နေတဲ့ လေပြည်မှာ ကြယ်နံ့တွေ..တောင်ပါလာသလိုလို...
ယုံကြည်ချက်ဆိုတာ..နေရောင်မှာ တစ်ဖျတ်ဖျတ်လက်ဖြာနေတဲ့ ဓါးသွားတစ်လက်.
သစ္စာတရားဟာ..သိပ်ကြောက်စရာကောင်းလောက်အောင် ထက်မြက်စူးရှတဲ့ လက်နက်..။
သေချာတယ်..။
.သူ့သွေးတွေ..တဖြည်းဖြည်း နွေးမြလာပြန်တယ်...
အမှောင်တွေဟာ..အလင်းရောင်ကို အကြားအလပ်မရှိ လက်နက်ချစွန့်ခွာသွားကြသလိုမျိုး...ရောင်နီဟာ..လှလှပပကို..ဖြာလင်းလာဦးမှာပါ...လေ
အမှန်တွေဟာ..ရဲရင့်တဲ့ စစ်သူကြီးတစ်ယောက်ရဲ့အားမန်တက်ကြွမှုတွေနဲ့..
အမှားတွေရဲ့ကမ်းသိမ်းတိုက်ပွဲကို ဆင်နွှဲလိမ်းဦးမှာပါ..လေ
သူ့ခွန်အား.အချိန်.ဇွဲသတ္တိ ချစ်ခြင်းတရား..ḩာဏ်ပညာ..ယုံကြည် မျှော်လင့်ချက်နဲ့ အရာရာ...
သူပေးဆပ်ခဲ့ရတဲ့ အရင်းအနှီးတွေ မနည်းပဲ...။ နည်းမှမနည်းပဲ ။
ဟုတ်တယ်....အမှန်တရားနင်းထားတဲ့အရပ်ဟာ..အောင်မြေ..
သူ့သွေးတွေ..တဖြည်းဖြည်း နွေးမြလာပြန်တယ်...
သေနေတဲ့ နာရီ ပန်းချီကားကို...သူ......အဆုံးသတ်ရမယ့်နေ့....
တစ်နေ့..နေ့......
အလို..
ခုတိုက်ခတ်နေတဲ့ လေပြည်မှာ ကြယ်နံ့တွေ..တောင်ပါလာသလိုပါလား.
.သူ့သွေးတွေ..တဖြည်းဖြည်း နွေးမြလာပြန်တယ်...

++++++++++++++++++++++++++

အင်းးးး ............................................. .......................

ဟိုးးးးးဝေးဝေးက ရထားဥသြဆွဲလိုက်သံလား....
ရထားဘီးတွေ..ခရီးတွေကို စီးပြီး တ၀ှီးဝှီးလည်ပတ်နေကြလား...
ရထားခေါင်းတွဲက အခိုးအငွေ့တွေ...လေထဲမှာ..တိမ်မျှင်တွေလို တန်းနေမှာလား... ရထားဟာ..အရှိန်နည်းနည်းလျှော့လိုက်ပြီလား...
ရထားပြတင်းမှာ...လက်ပြနေသူတွေရှိသလား.......
ရထားဟာ..ဘူတာဆီကို နီးကပ်လာပြီလား...

ဆာလောင်ခြင်းဟာ..သွေးတွေကိုတပွက်ပွက်ပူခြစ်လာစေနိုင်တဲ့ မောင်းနှင်အားပဲ...

ဟုတ်တယ်... သေနေတဲ့ နာရီပေါ့..အဲဒီ့ပန်းချီကား..ဟာ

ဒါပေမယ့် ....ဒီနေ့လည်း..ဒီပန်းချီကားကို..အဆုံးမသတ်နိုင်သေးပါဘူး..

ဒါပေမယ့်.. အမှန်တရား..နင်းထားတဲ့ အရပ်ဟာ...အောင်မြေ..ပါ။
++++++++++++++++++++++++++

အိန္ဒြာ
(၅.၁၀.၂၀၀၉)

လွမ်းတိုင်းဆိုဖြစ်တဲ့...သီချင်း

လင်းပတဲ့ လပြည့်ဝန်းက မေ့မေ့ခေါင်မိုးပေါ်မှာ မွန်းတည့်လုနီးနီးရှိနေမယ်....
ဖယောင်းတိုင်လေးတွေ တစ်တိုင်ချင်းထွန်းညှိနေတဲ့ မေမေက..မျက်ရည်တွေဝဲနေလိမ့်မလား..
အလင်းရိပ်ဖျော့ဖျော့မှာ.မေ့မေ့ပါးပြင်ကပါးကွက်ကလေးက..၀ါဝင်းနုညက်နေမှာပါ..၊
မေမေ..သမီးတစ်ချက်လောက် နမ်းမွှေးချင်လိုက်တာ..။
မေမေ့တစ်ကိုယ်ရည်ပန်းခင်းလေးထဲမှာ.ခရမ်းနုရောင်နှင်းဆီတွေရော..ဖူးပွင့်နေရောပေါ့..
မေမေပေးခဲ့တဲ့ အသက်ဓါတ်ကလေးက..သူ့နှင်းဆီဆူးတွေသူချွန်သလို့..
မေမေ့ကလေးမလေးက...အခု အထီးကျန်ဆန်တဲ့..လူလတ်အရွယ်မိန်းမတစ်ယောက်အဖြစ် တိတ်ဆိတ်တဲ့အခန်းကျဉ်းလေးထဲမှာ..
မေမေ့ကို လွမ်းတဲ့ အလွမ်းတွေ အတွက်..တေးတစ်ပုဒ်ညည်းညူနေတယ်..မေမေ...။

Mamma

You gave life to me

Turned a baby into a lady

Mamma

All you had to offer

Was the promise of a lifetime of love

Now I know
There is no other
Love like a mother's love for her child

သမီးရဲ့ ဆံနွယ်တွေကလည်း မေ့မေ့ကိုလွမ်းနေလိုက်ကြတာ ...
ဒီလိုလပြည့်ညတွေတိုင်း..မေမေ့ခြေဖမိုးရင်းမှာ..ခေါင်းအပ်ပြီး အညွှတ်နူးဆုံးကန်တော့နေတဲ့ သမီးကို..ဆံနွယ်တွေကိုပွတ်သပ်ပြီး
မပျက်မကွက် မျက်ရည်ကျနေလေ့ရှိတဲ့ မေမေ...၊
မတိုင်ပင်ပဲ..ဟိုး အတိတ်တွေကိုပြန်ရောက်လို့.....
ဘ၀ရဲ့လောကဓံဆိုတာမှန်သမျှ နံပါတ်စဉ်ထိုးပြီး..
သားအမိနှစ်ယောက်ကျောခြင်းကပ်ရင်ဆိုင်ခဲ့ကြရတဲ့ ကာလတွေ...
မေမေ...။ မေမေ..။ မေမေ..။
မေ့မေ့ကို ကြည့်နေရင်းကို မေမေ့ကို လွမ်းဆွတ်နေခဲ့တာ...။
မေမေ...သမီး..ဖြစ်တည်မှုတွေရဲ့..လက်ဆ လက်န သိပ်ကောင်းခဲ့တဲ့ ပန်းပုဆရာ..၊
သမီးရဲ့ ရေခံမြေခံအတွက် အမွန်မြတ်ဆုံးဥယျဉ်သာ...
မေမေ..လမင်းကို တစ်ချက်လောက်မော်ကြည့်လိုက်ပါလား......
သမီးရဲ့မျက်ရည်ရောင်ဝိုးဝင်းနေတဲ့မျက်ဝန်းအစုံကိုမေမေမြင်နိုင်မလား...
အခုမေမေ့ကို စိတ်ညွှတ်ပြီး ကန်တော့နေတဲ့ သမီးဆံနွယ်တွေကို မေမေ ပွတ်သပ်ပေးပါဦးမေမေ...
မေ့မေ့လက်ဖ၀ါးအထိဖွဖွကလေး...ဟာ...
အေးစက်ထုံထိုင်းနေတဲ့..သမီး..ဘ၀ခုလတ်ထဲ...
နွေးနွေးမြမြ စီး..၀င်...ပေါင်းစည်း လာမယ့်...
အသန်မာဆုံးနဲ့ တစ်ခုတည်းသော စွမ်းအင်တစ်ခုပါ..မေမေရယ်...

And I know

A love so complete
Someday must leave
Must say goodbye

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry

It'll break my heart to hear you say goodbye

မေမေ..သမီးသွားတော့မယ်..။
ခေါင်းကိုတစ်ချက်မော့ပစ်လိုက်ပြီး...အေးလို့ ခြောက်ခြောက်ကပ်ကပ်ကြီးပြောလိုက်တဲ့ မေမေ..။
သမီး..ကို မေမေယုံကြည်တယ်ဆိုတဲ့ စကားတစ်ခွန်းနဲ့ ကျန်းမာရေးဂရုစိုက်ဖို့ပဲ...မှာချင်တယ်လို့ အသံမတုန်အောင်ကြိုးစားပမ်းစားထိမ်းချုပ်ပြောနေတဲ့မေမေ...
မေမေ..အဲလိုနှုတ်ဆက်လိုက်ရတဲ့..ခဏတာခွဲခွာမှုလေးမှာတောင်..သမီး..နှလုံးသားကချုံးချုံးကျသွားခဲ့ရတာ..

Mamma

You gave love to me

Turned a young one into a woman

Mamma

All I ever needed

Was a guarantee of you loving me

'Cause I know

There is no other

Love like a mother's love for her child

မေမေပေးခဲ့တဲ့..အသက်ခန္ဓာ ḩာဏ်ပညာ..အိုမေမေပေးအပ်ခဲ့တဲ့ အရာရာမှာ..
သမီးအတွက်အလေးလံဆုံးက နှလုံးသားအစုံပေါ့ မေမေ
မေမေပေးခဲ့တဲ့ အာရုံငါးပါးနဲ့ မြင်သိကြားနာစိတ်တွေမှာ ခံစားကြေကွဲတတ်မှုတွေက အလျှံငြီးတတ်လွန်းခဲ့ပေါ့...။
မေမေအသွေးအသား..မေမေ့သတ္တိနဲ့..မေမေ့ခွန်အားတွေနဲ့ မေမေညှိပေးခဲ့တဲ့ အလင်းလေးတစ်စဟာ..
သူ့လောင်ကျွမ်းမှုတွေနဲ့သူ..လင်းဝါလှပလို့
သူ့လောင်ကျွမ်းမှုတွေနဲ့သူ..ပူလောင်ပြင်းပျလို့.....

And it hurts so

That something so strong

Someday will be gone, must say goodbye

Goodbye's the saddest word I'll ever hear

Goodbye's the last time I will hold you near

Someday you'll say that word and I will cry

It'll break my heart to hear you say goodbye

"မေမေ..."
သမီးသွားတော့မယ်..နှုတ်ဆက်ရမယ့် အချိန်....
"သမီး.."
မေမေသွားတော့မယ်..နှုတ်ဆက်ရမယ့်အချိန်...
ဒီဘ၀..
တစ်နေ့နေ့............

ဟင့်အင်း...
အဲဒီ့ခဏလေး..
အခုခဏလေး...အတွက်တောင်....
သမီးနှလုံးသား..က ချုံးချုံးကျနေခဲ့ရတာ....

But the love you gave me will always live

You'll always be there every time I fall

You are to me the greatest love of all

You take my weakness and you make me strong

And I will always love you 'til forever comes

And when you need me
I'll be there for you always
I'll be there your whole life through
I'll be there this I promise you, Mamma

မလွဲမသွေ ဆိုတာမျိုးတွေကို..မတွေးဘူး..
ဘယ်တော့မှ........
ဟုတ်တယ်...ဘယ်တော့မှ သမီးမတွေးဘူးးးးး...မေမေ....
ဘယ်လိုမှ ဆုံးရှုံးလို့မဖြစ်တဲ့..သမီး.အသက်ဓါတ်တည်ရာမှီရာလို...
မေမေ... မေမေ...လို့ ခပ်စိပ်စိပ် တတွတ်တွတ် ရေရွတ်နေရုံကတင်...
သမီးဆီ..မမြင်နိုင်တဲ့ ခွန်အားတွေ..၊ သတ္တိတွေ...၊ အလိုလိုစီးဝင်လို့
သမီးဆီ..ချိုမြနေတဲ့ ချစ်ခြင်းတရားတွေ နူးညံ့မွှေးရီလို့ ၊
ဒီ့ထက်ခမ်းနားလေးနက်စရာမရှိတဲ့..အလေးမြတ်ဆုံးမေတ္တာပုံတူပန်းချီ..တစ်ချပ်..
မေမေ..
သမီးနှလုံးသားထဲ...မှာ ပဲ့တင်ရိုက်နေတဲ့ သီချင်းတစ်ပုဒ်...သမီး ဖွဖွသိပ်သိပ်..ညည်းညူနေတယ်လေ..

Mamma, I'll be
I'll be your beacon through the darkest nights
I'll be the wings that guide your broken flight
I'll be your shelter through the raging storm
And I will love you 'till forever comes

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry
It'll break my heart to hear you say goodbye

'Till we meet again...
Until then...
Goodbye

မေမေပေးခဲ့တဲ့ ရုပ်နာမ်နဲ့ ဇက်ကုန်စိုင်းနေတဲ့ မြင်းရိုင်းတစ်ကောင်ပေါ့ မေမေ...
သမီးကိုမှန်းပြီး..ပို့သနေမယ့် မေမေ့ နေ့နေ့ညည မေတ္တာဓါတ်တွေနဲ့ တနဲ့နဲ့ခရီးဆက်နေတဲ့..ခရီးသည်တစ်ယောက်ပေါ့..မေမေ
"အဲဒီ့သမီးက မေမေ့ညနက်တွေထဲမှာ မီးပြတိုက်လို လင်းလက်နေပါရစေ.."
"အဲဒီ့သမီးက မေမေ့ပျံသန်းခြင်းတိုင်းရဲ့အတောင်ပံတစ်စုံဖြစ်ပါရစေ.."
"အဲဒီ့သမီးက.မေမေ့မုန်တိုင်းတွေရဲ့လေကွယ်အရပ်တစ်ခုလို..မေမေ့ကို အရိပ်လို မိုးပေးခွင့်ရပါစေ...."
"အဲဒီ့သမီးက မေမေ့ သွေးကြောတွေထဲ ခွန်းအားအသွယ်သွယ်အဖြစ်တိုးဝင်ရောစိမ့်ပေးနေပါရစေ..."

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry
It'll break my heart to hear you say goodbye

မေမေ...ဟာ..သမီး..ဖြစ်တည်မှုချစ်ခြင်းတရားတွေဆီမှာ..အကြားအလပ်မရှိ..သက်ဝင်လှပလို့...

'Till we meet again... Until then... Goodbye

"မေမေ..."
"မေမေ..ရေ..."

ဒါဟာ...
မေမေက သမီးကို ဘယ်တော့မှမပြောမယ့်စကားလုံး.....တစ်ခု..
သမီးက မေမေ့ကို ဘယ်တော့မှမပြောမယ့်စကားလုံး..တစ်ခု..
ဟုတ်တယ်...


သိပ်မကြာပါဘူး........
သိပ်မကြာတော့ပါဘူးးးးးးးးးးး
သမီး..ပြန်လာခဲ့မှာပေါ့...မေမေ့ဆီ...။ ။

အိန္ဒြာ
သီတင်းကျွတ်လပြည့်နေည။(၃.၁၀.၂၀၀၉)
(မေမေ့ ကိုလွမ်းဆွတ်ခြင်းများနဲ့ရေးပါတယ်..။ )

ဒီပိုစ့်လေးရေးဖြစ်အောင် ညည်းဖြစ်တဲ့သီချင်းတွေခေါင်းစဉ်နဲ့ Tag တဲ့
အကိုဆောင်းယွန်းလကို ကျေးဇူးအထူးတင်ပါတယ်..။

ဆက် Tag ချင်တဲ့သူတွေ
(၁)။အမည်မဲ့
(၂)။မိုးကုတ်သား။
(၃)။မယ်ကိုး

လွတ်တဲ့..ငါး

ကြယ်တွေကြွေမှ

ကောင်းကင်ကြီးက တန်ဖိုးကြီးလာ ။

ငါတို့ မက်ခဲ့ကြတာ
အိပ်မက် ကြီးကြီး
ငါတို့ မျှားခဲ့ကြတာ
သမုဒ္ဒရာ ကြီးကြီး
ငါတို့ ကြီးခဲ့ကြတာ
ငရဲ ကြီးကြီး ။

စပျစ်သီးချဉ်မှာလား
လွတ်တဲ့ငါးက
ကမ္ဘာကြီး ။

သုခမိန်လှိုင်


(အကိုတင်မင်းထက် ငါးပြတိုက်ကိုလာရောက်လှူဒါန်းသွားတဲ့ ငါးတစ်ကောင်ပါ..။ အကိုရေ..ကျေးဇူးတင်ပါတယ်..။)