အသံများ လှုပ်လို့ လီလို့ လှည့်လို့ ခေတ်က တခစ်ခစ်နဲ့

အသံများ လှုပ်လို့ လီလို့ လှည့်လို့

အသံတွေ သန့်စင်လား အသံတွေသန်မာလား
အသံကြောင့်သေသွားသောဖါးများ
အသံထက်မြန်နှုန်းမြင့် အတုအယောင်များ
အသံနဲ့ ရရှိခဲ့တဲ့ ထိခိုက်ရှနာများ
အသံဘယ်လောက်ကြားလဲ အသံများ

အသံကို အသံချင်းကျောသပ်ရင်သပ်
အသံကို အသံချင်းမျက်နှာလိုအားရ
အသံကို အသံချင်းအဆင်းဘီးတပ်
အသံကို အသံနဲ့မြှောက်ထိုးပင့်ကော်
အသံကို အသံနဲ့လက်ဝါးချင်းရိုက်
အသံကို အသံနဲ့နောက်ကျောဓါးစိုက်
အသံကို အသံက ချောင်းမြောင်းလုပ်ကြံ

အသံကို အသံက အခါတော်ပေး
အသံရှေ့ အသံတွေ လက်ညှိူးထောင်ခေါင်းငြိမ့်
အသံရှေ့ အသံတွေ ဒူးတုတ် ဦးညွှတ်
အသံရှေ့မှာ အသံတွေ နာတာရှည် အဖျားသွေးဝင်ခဲ့

အသံမှာ အဆန်ပါမလာဘူး
အသံကို အသံတွေက ဆုတောင်းမေတ္တာပို့သ
အသံကို အသံတွေက စိုးရိမ်ကြောင့်ကျ
အသံကို အသံတွေက လည်တဆန့်ဆန့်မျှော်လင့်
အသံရှေ့မှာ အသံတွေ အလံမလှဲခဲ့ကြဘူး

အသံတွေ သံချေးစား အသံတွေဟာ နင်းပြား
အသံတွေကီးချိန်းလာ အသံတွေကီးကြောင်လာ
အသံသေး အသံညောင်များ အသံဝါ အသံပြာများ
အသံနက်များ အနက်ရှိုင်းဆုံးအသံများ
နံရံဆီလှိုင်းလိုပြေးရိုက်လိုက် အသံများ
နံရံက ပြန်ကန်ထွက် အသံများ
အံသွားထဲက ကြိတ်ထွက်လာသံများ
ကြမ်းကြားက လေကြားက အသံများ
တော်လဲသံ ကျီးပြိုနေသံများ

အသံတွေ ကောက်ပင်ရိပ်လှီး လိုက်သံများ
အသံတွေ ရေကူးညာတင် နေသံများ
အသံတွေ ဖရုဿဝါစာ
အသံတွေမကြားဝံ့မနာသာ
အသံတွေ ငါတကော သူတကော
အသံတွေ သန်ရာသန်ရာပြောကြ
အသံတွေ ပဲ့ထွက်လာ
အသံတွေ ပဲ့တင်ရိုက်
ဘယ်သံများ ညာသံများ ဘယ်သန် ညာသန်များ
ညာသံပေးလို့ အညာသန်နေဆဲ..များ

အသံဟာ သံသရာတစ်ဖက်ကမ်းအထိ တွင်းတူးမိုက်ခဲ့တယ်.။

အိန္ဒြာ

++++++++++++++++++++++++++++++++++++++++++

ခေတ်က တခစ်ခစ်နဲ့

ခေတ်တိုင်းမှာ လူသံတွေကြားရတယ် အူသံတွေကြားရတယ်
ခေတ်ထဲမျှောလိုက်သူတွေရှိတယ်
ခေတ်ကိုလိုက်ဆယ်သူတွေရှိတယ်
ခေတ်ကိုခြေနဲ့ကန်ကျောက်သူတွေရှိတယ်
ခေတ်ကိုပြားပြားဝပ်ကိုးကွယ်သူတွေရှိတယ်
ရှေ့ကခေတ်ကိုဆွဲထားသူတွေရှိတယ်
နောက်ကခေတ်ဆီတွန်းချသူတွေရှိတယ်
ပြောဆိုပိုင်ခွင့်ရှိတယ် တင်ပြပိုင်ခွင့်ရှိတယ်
လက်ခံပိုင်ခွင့်ရှိတယ် ထောက်ခံပိုင်ခွင့်ရှိတယ်
ဝေဖန်ပိုင်ခွင့်ရှိတယ် ငြင်းပယ်ပိုင်ခွင့်ရှိတယ်
မောင်း-ထုတ်-ပိုင်-ခွင့်-လည်း-ရှိ-တယ်
ခေတ်တိုင်းမှာ
ငါ့ခေတ်မှ ငါ့ခေတ်
မင်းတို့ခေတ်က မင်းတို့ခေတ်
ခေတ်တကော ကော သူတွေရှိတယ်
ခေတ်တိုင်းမှာ
ခေတ်ရှေ့ပြေး ခေတ်နောက်ပြန်
ခေတ်ကျန် ခေတ်ဆွေး ခေတ်ပျက်သူဌေးတွေရှိတယ်
ခေတ်ပြောင်းတော်လှန်ရေးများ ရှိတယ်
ခေတ်ပြောင်းတော်လှန်ရေးကို တော်လှန်သော တော်လှန်ရေးများ ရှိတယ်
ခေတ်ကောင်းက ခေတ်ဆိုး အနိုင်ကျင့်တာကို ခံရတယ်
ခေတ်ဆိုးကိုတော့ လူတွေက အနိုင်ကျင့်တယ် (ဟင်း.. လူဆိုးတွေ)
စိတ်ညစ်လို့ အရက်သောက်တာ ခေတ်ကြီးကြောင့်
အအေးမိလို့ ဟပ်ချိုးချေတာလည်း ခေတ်ကြီးကြောင့်
ခလုပ်တိုက် ဖားပြုပ်ကိုက် တရုတ်ရိုက်တာလည်း ခေတ်ကြီးကြောင့်
အိုကွယ် ဘယ်လိုပဲဖြစ်ဖြစ်
ရွှေခေတ် ငွေခေတ် ပတ္တမြားခေတ်
တို့ခေတ်.. ကိုတော့ ရောက်ရမည်မှာ မလွဲပါ
အဲ… ဒါ…. ဒို့ဗမာ။

ပန်ဒိုရာ