ဧရာဝတီ ၊ သူ စီးထွက်သွားခဲ့ပြီ ပင်လယ်ဆီ

ဧရာဝတီကတော့ ပင်လယ်ဆီ စီးထွက်သွားခဲ့ပြီ.....

တကယ်လို့များ ကျွန်မတို့တွေလည်း မြစ်ရေတွေသာဆိုခဲ့ရင်.....

+++++++++++++++++++++++++++++++++++++++++++++++++++

ဧရာဝတီ ၊ သူ စီးထွက်သွားခဲ့ပြီ ပင်လယ်ဆီ

အရှေ့မြောက်အာဖရိက က နိုင်းလို ၊ တူရကီက တီဂရစ်လို

အင်္ဂလန်တောင်အရပ်က သိမ်းလို ၊ တရုတ်ပြည်မကြီးက မြစ်ဝါလို

အိန္ဒိယက ဂင်္ဂါလို ၊ မြောက်အမေရိက မစ္စစ္စပီလို

ဧရာဝတီဆိုဟာ လည်ဆွဲရတနာပဲ.. ဧရာဝတီဆိုတာ ညာဘက်လက်ရုံးပဲ

ဧရာဝတီဆိုတာ အသက်ဝင်နေတဲ့ သမိုင်းစာအုပ်ပဲ

ဧရာဝတီဆိုတာ မြစ်တစ်စင်းပဲ

မြစ်က သူ့မြို့လေးရဲ့ကမ်းနဖူးက အရိုင်းအစိုင်း ကိုင်းပင်တွေက အစ

သူ့ဝမ်းဗိုက်ထဲမှာ ငါးဖေါင်ရိုးလေးကူးခတ်နေတာ အဆုံး..

သူ့မြို့လေးရဲ့ပြောင်းဆန်နံ့ လေပြည်အရူးက အစ

သူ့ကမ်းပါးမှာနေ၀င်သွားတဲ့ ဆည်းဆာရောင်ခြည် အဆုံး..

သူ့ရင်ခွင်ကိုတဖျမ်းဖျမ်းရိုက်ခတ်နေတဲ့ ကွန်ချက်တွေက အစ..

သူ့မြို့လေးကိုခေါင်းအုံးထားတဲ့သဲသောင်ဝါ၀ါ အဆုံး...

မီးကုန်ယမ်းကုန် ချစ်မြတ်နိုးခဲ့တယ်။

မြစ်ဟာ ထိမ်ဝှက်လို့မရနိုင်တဲ့ သက္ကရာဇ်တွေကို အနယ်ကျပေးသူပဲ

မြစ်ဟာ အမေ့ခံသစ္စာတရားတွေအတွက် လှိုင်းကြီးလေကြီးဂီတပဲ

မြစ်ဟာ ရာဇ၀င်ကောက်ကြောင်းတွေ မရေးပဲထင်နေတဲ့ ကြည့်မှန်ပဲ

မြစ်ဟာ အနာဂါတ်တွေ တ၀ုန်းဝုန်းပြိုနေတဲ့ ကမ်းပါးယံတွေပဲ

မြစ်ဟာ ငြိမ်းချမ်းရေးဆင်ဖိုနီနဲ့ တသွင်သွင်စီးဆင်းချင်ခဲ့တယ်

မြစ်ဟာ ဗဟုဝါဒဆန်ဆန် မြစ်ငယ်ချောင်းငယ်တွေကို...ကြိုဆိုလက်သင့်ခံခဲ့တယ်

မြစ်ဟာ မြစ်ဆန်ဆန်ပဲကွေ့ကောက် မြစ်ဆန်ဆန်ပဲညစ်နောက်

မြစ်ဟာ ကျဉ်းမျောင်းတဲ့ စီးလမ်းကြောင်းမှာတေ့ာ အရှိန်ကိုပြောင်းပစ်ခဲ့ရတယ်

မြစ်ဟာ ပစ္စက္ခမှာတော့ ရေသင်ဖြူခင်းနေရသူပဲ

မြစ်ဟာ သူ့ရင်သွေးရဲ့ရယ်မောသံတွေကို အလျော်မပေးဆပ်နိုင်သူမိခင်ပဲ

မြစ်ဟာ တဖြည်းဖြည်း ခမ်းခြောက် တိမ်ကောနေတဲ့ တနံတလျားအိပ်မက်ပဲ

မြစ်ဟာ ကိုယ်ပိုင်အနာတရတွေအတွက်တောင် ဆေးချက်မမှီနိုင်တော့တဲ့ ၀ဲဂရက်ပဲ

မြစ်မှာက ယူကျုံးမရစရာ သတင်းအချက်အလက်တွေနဲ့ချည်း ဘောင်ဘင်တွေဆန်လို့

မြစ်မှာက သူ့ထက်မြစ်ဆန်ပြနေတဲ့ မြစ် အ တု တွေကို နာကျည်းစိတ်ကုန်ရလွန်းလို့

မြစ်မှာက အမှန်တရားဆိုတာ နှစ်ချို့အဆိပ်ဖြစ်နေမှန်း သိ ရှိ လက် ခံ လိုက်ရလို့

မြစ်ဟာ...

ဧရာဝတီဟာ....

.................................

သူ့ကိုယ်သူ အဆုံးစီရင်ဖို့ဆိုပြီး..

ပင်လယ်ဆီ စီးထွက်သွားခဲ့ပြီ.....။

အိန္ဒြာ

(၁၇.၅.၂၀၁၁)