ငါ့ကို တင်ဆောင်မောင်းနှင်လာသော အသက်ဓါတ်

ဆိုတော့ကာ
ဒီနေရာမှာ မျဉ်းပိတ်လို့တော့မရသေးဘူး
လိုအပ်ရင် တစ်ဖက်စာမျက်နှာသို့လို့ ဖုနုတ် ပြ
လိုအပ်ရင်အစအဆုံးတစ်ခေါက်လောက်ပြန်ဖတ်ကြည့်လိုက်ဦး
ထင်ရှားချင်တဲ့ အချက်တွေ့ရင် ဟိုက်လိုက်တားထားလိုက်
လိုရင်လိုသလို အနီရောင်စတားတွေ ပေါပေါလောလောသုံးစွဲနိုင်သေးတယ်

ပြန်စဉ်စား..
စကားလုံးများများ အဓိပ္ပာယ်ပါလေရုံနဲ့
ဖွယ်တယ်တယ် ဖေါင်းပွပွကဗျာတစ်ပုဒ်လို
နေရာယူတာသိပ်များပြီး နေရာကျတာ သိပ်နည်းနေသလား..
ကိုယ့်ကိုယ်ကို အားမနာပ
အဲသလိုမျိုး ပြန်စဉ်းစား

ပြောကြည့်ရင် ဘ၀ဆိုတာ ပလိန်းကိတ်တစ်လုံးပေါ့
ဒီနေ့ကိုယ့်အတွက် တစ်ဖဲ့စာဟာ
မနက်ဖန်ဘက်က တတိတိပွန်းစားပြုန်းတီးမှု
ကိုယ့်ပိုင်ဆိုင်မှု ကိုယ့်ရပိုင်ခွင့်အတိုင်း
တိတိကျကျဒုလ္လဘတစ်ခု ဖြစ်တယ်..ပျက်တယ်... ဖြစ်ပျက်တယ်
အဲသလို ပေါ့ပေါ့လွယ်လွယ် သံဝေဂ တရားများ
အတ္တတွေ ရေလောင်းပေါင်းသင်စရာမလိုပဲ တောထ
ပေးသလောက်ပြန်ရချင်တာလား
ပေးတာထက် ပို လိုချင်ခဲ့လား
မပေးပဲရချင်နေမိလား
စဉ်းစား..
အဲသလိုမျိုးတွေ ပြန်စဉ်းစား

သူများမကောင်းကြောင်း ကိုယ်ကောင်းကြောင်းတွေနဲ့
စပါးလုံးတစ်ထောက်စာကို အပေါ်ယံ ပေါင်းတင် ဆေးဆိုးနဲ့
ဟန်ရေးပြတာနဲ့ ဟန်ဆောင်တာနဲ့ ဟန်လုပ်နေရတာတွေနဲ့
ကျေးဇူးရှင်တွေနဲ့ ကျေးဇူးအတင်ခံချင်စိတ်တွေနဲ့.
မီးစတဖက် ရေမှုတ်တဖက်နဲ့
လူဖြစ်ရတဲ့ဒုက္ခ ရေမီးအစုံနဲ့
အလျှော်ပေးမရသော အရေးပေါ်ကိစ္စနဲ့
အားနာပါးနာ အမနာပ တရားများနဲ့
ဂလိုဘယ်လိုက်ဇေးရှုင်းဆန်ဆန် သံခင်းတမန်ခင်းအပြုံးနဲ့
အိုဘာမားကို လက်ခုတ်တီးခဲ့တဲ့လက်နဲ့
တရားကို နတ်စောင့်ပါတယ်ဆိုတဲ့
တရားစောင့်နတ်ကိုတောင် မယုံကြည်တော့တဲ့ မိစ္ဆာဒိဋ္ဌိ အယူနဲ့
ခေတ်ကို မျက်ထောက်နီနဲ့ကြည့်နေတတ်ပုံ ဖက်ရှင်နဲ့

"အိန္ဒြာပါ "

သူလိုငါလို ခပ်ညံ့ညံ့ အသက်ဓါတ်တစ်ခုက
အဲဒီ့ခေတ်ဆီ တင်မောင်းလာခဲ့တယ်..။


အိန္ဒြာ
(၂၄.၂.၂၀၁၀)