June 22, 2010

ကမ္ဘာမြေသို့အော်ငိုနေသော မေတ္တာတရား

မင်းကိုလွမ်းတဲ့စိတ်နဲ့
ကိုယ့်အခန်းကို မီးဖွင့်မိ မဖွင့်မိ
ကိုယ့်ကွန်ပျူတာခလုတ်ကို ပိတ်မိ မပိတ်မိ
ကိုယ်မသိ
မင်းကို လွမ်းတဲ့စိတ်နဲ့
ကိုယ်အခုချွေးတွေပြန်နေတယ်
အိပ်ယာပေါ်မှာ လူးလိမ့်နေတယ်
ကိုယ်စိမ်းစိုခဲ့ဖူးသော ကမ္ဘာ
ခုမင်းဘယ်မှာလဲ

“မီးလောင်နေတဲနှလုံးသားပေါ် အနမ်းနဲ့
တက်မှရတယ်”တဲ့
မာယာကော့ဗ်စကီး” ကပြောတယ်
“နှုတ်ခမ်းပေါ် အနမ်းနဲကတက်မှရတယ်” တဲ့
မီးသတ်သမားတို့ရဲ့ ဘွတ်ဖိနပ်ကြမ်းကြမ်းတွေ
အဲဒီဘွတ်ဖိနပ်ကြမ်းကြမ်းတွေစီးပြီး
ကိုယ်မင့်နှုတ်ခမ်းပေါ်မတက်ခဲ့ရပါဘူး

ဖြည်းဖြည်းလေး
တကယ့်ကိုမှ ညင်ညင်သာသာ ဖြည်းဖြည်းလေး
မျှော်စင်ပေါ်တက်ခဲ့တာ
မင့်နှုတ်ခမ်းထက်က မျှော်စင်ထက်ကိုတက်ခဲ့တာ

မီးလောင်နေတယ်
မြို့ရဲ့ ဘယ်နေရာမှာ မီးလောင်နေတာလဲ?
မီးကလောင်နေတာတဲ့လဲ?
မီးသတ်ကားတွေလွှတ်ပေးရမလား
(တစ်ယောက်ကလှမ်းပြောတယ်)
မီးသတ်ဌာန ဖုန်းနံပါတ် ဘယ်လောက်လဲ?
(တစ်ဦးကလှမ်းမေးတယ်)
ကိုယ့်ရင်ထဲမီးလောင်နေပြီ
မျှော်စင်ပေါ်တက် မြို့ကိုကြည့်ခဲ့မိသူ
ကိုယ့်ရင်ထဲမှာ မီးလောင်နေပြီ
ဟုတ်တယ်
မင်းကိုလွမ်းတဲ့စိတ်ကြောင့် ကိုယ့်ရင်ထဲမှာ
မီးလောင်နေပြီ

လူနာမည် - ကျော်ဇေယျ
နတ်နာမည်- နွယ်စိမ်းဝေ
နွားအကြောင်း ကောင်း ကောင်းမသိတဲ့
ကဗျာဆရာ
သွားမပါတဲ့နွားလား
မြက်နုကြိုက်တဲ့နွားလား
နွားရှေ့ထွန်ကျူးမိသလား
နွားကို ဂျေဒိုးနတ် ကျွေးမိသလား
ကိုယ်မသိ

မင်းကိုချစ်တာ တစ်ခုတည်း
မင်းကို သတိရတာ တစ်ခုတည်း
မင်းကို တွေ့မြင်ချင်တာ တစ်ခုတည်း
မင့်ရင်ညွန့်ထက်က အင်းကြင်းပွင့်လေးကို ဖွဲ့ဆို
ဖို့ရာတစ်ခုပဲကိုယ်သိ

ကိုယ်ဟာ သိပ်ရိုးရှင်းတဲ့အရေးအသား
ကိုယ်ဟာ မဖုံးကွယ်တတ်သော တောင်ပေါ်မြေသားစကားပြေ

ကိုယ်အခု
မင်းကိုလွမ်းတဲ့စိတ်နဲ့ ဒီကဗျာကို ရေးနေတယ်
မင်းကိုလွမ်းတဲ့စိတ်နဲ့ ဒီစကားကိုပြောနေတယ်
မင်းကိုလွမ်းတဲ့စိတ်နဲ့ အိမ့်ရှေ့လမ်းကလေးမှာ
လမ်းလျှောက်နေတယ်

ကိုယ့်ခြံတံခါးကို နေ့နေ့ညည ဖွင့်ထားဆဲ့ . . .
ခြံထဲက မြက်ရိုင်းတွေနဲ့အတူ
ကိုယ့်မုတ်ဆိတ်မွှေး နှုတ်ခမ်းမွှေးများ
ရှည်လျားဆဲ. . .

မင်းကိုလွမ်းတဲ့စိတ်မှာ
တိမ်တွေဟာ နိမ့်လိုက်မြင့်လိုက်
လေယာဉ်ပျံဟာ တက်လိုက်ဆင်းလိုက်
မင်းကိုလွမ်းတဲ့စိတ်နဲက
စာတိုက်ပုံးလေးကို ဖွင့်လိုက် ပိတ်လိုက်
အင်္ကျီကြယ်သီးတွေကို ဖြုတ်လိုက်တပ်လိုက်

မင်းကိုလွမ်းတဲ့စိတ်မှာ
လေဟာ တိုက်သလိုလို မတိုက်သလိုလို
နေဟာပူသလိုလို မပူသလိုလို
မိုးဟာ ရွမလိုလို မရွာမလိုလို
ဘယ်လိုဥတုရာသီ မျိုးကြီးလဲ
တစ်နေ့ တစ်နေ့
ငါ့မှာ လုပ်စရာက ဒါပဲ

မင်းကိုလွမ်းတဲ့စိတ်နဲ့ ဒိုင်ယာရီအဟောင်းတွေ
ပြန်ရှာ
မင်းကိုလွမ်းတဲ့စိတ်နဲ့ ကဗျာအဟောင်းတွေ
ပြန်ဖတ်
မင်းကိုလွမ်းတဲ့စိတ်နဲ့ အပြီးမသတ်သေးတဲ့
သီချင်းတွေဆက်ရေး

တစ်နေ့ တစ်နေ့
မင့်ကိုလွမ်းတဲ့စိတ်နဲ့ အိပ်ယာထ
မင့်ကိုလွမ်းတဲ့စိတ်နဲ့ မျက်နှာသစ်
မင့်ကိုလွမ်းတဲ့စိတ်နဲ့ သွားတိုက်
မင့်ကိုလွမ်းတဲ့စိတ်နဲ့ အာလုပ်ကျင်း
မင်းကိုလွမ်းတဲ့စိတ်နဲ့ ဘုရားမီးပူဇော်
မင်းကိုလွမ်းတဲ့စိတ်နဲ့ သောက်တော်ရေချမ်းကပ်
မင်းကိုလွမ်းတဲ့စိတ်နဲ့ အမွှေးတိုင်မီးထွန်း
……………………………………………..
…………………………………………….
တစ်နေ့ တစ်နေ့ ဒါပဲ
ငါ့မှာ လုပ်စရာက ဒါပဲ

ည ည ဆို
မင်းကိုလွမ်းတဲ့စိတ်နဲ့လမင်းကြီးကို ထွက်ထွက်ကြည့်
ငွေကြယ်လေးကိုထွက် ထွက်ကြည့်
ငှက်ဆိုးထိုးသံကို ကျိန်ဆဲ ကျိန်ဆဲ
ဒါပဲ
ငါ့မှာ လုပ်စရာက ဒါပဲ
ခဏကတင်မင်းကိုသတိရတဲ့အကြောင်း
နံရံမှာ စာတစ်ကြောင်းရေးသေးတယ်
ကိုယ့်ဘောလ်ပင်
အခုဘယ်မှာ
ဘယ်သူနေရာ ရွှေ့ထားလိုက်တာလဲ?
မဆီ မဆိုင်
ပင့်ကူတွေကို ဘာကြောင့် မုန်းတာလဲ?

မင်းအိမ်သုံးမီးဖိုချောင်သုံးပစ္စည်းတွေထဲက
ကိုယ့်ဟာ ဘယ်လိုခြင်ဆေးခွေမျိုး
ဘယ်လို ပရုပ်လုံးမျိုး
ဘယ်လို ပေါင်းတင်းဝါးမျိုး
ဘယ်လို အမှိုက်တောင်းမျိုးလဲ?

“မျောက်ကိုမြင်ရင် ခဲနဲ့ထုချင်တယ်”လို့
မောင့်ကိုမပြောပါနဲ့ . . .

တစ်ခုလုံး မယူရဆိုရင်
တစ်ဝက်တော့ယူမယ်
တစ်ဝက်မယူရ ဆိုရင်
တစ်စိတ်တော့ယူမယ်
တစ်စိတ်မယူရဆိုရင်
တစ်စိတ်ရဲ့တစ်ခြမ်းတော့ယူမယ်
တစ်ခြမ်းမယူရဆိုရင်
တစ်ခြမ်းရဲ့တစ်ဝက်တော့ယူချင်တယ်

တကယ်တော့
စွန့်ပစ်မယ့် အမှိုက်တစ်စကို
အမှိုက်တောင်းထဲ မရောက်ခင် ကြည့်တဲ့အကြည့်နဲ့တောင်
ခေတ်ကြီးကမောင့်ကိုလှည့်ကြည့်မသွားပါဘူးကွာ
အနာဂတ်ဆိုတာ
ငြိမ်းချမ်းစွာအတူယဉ်တွဲနေထိုင်သွားရမယ့်
အိမ်ရာပဲ

“အချစ်တွေရမယ်
အချစ်တွေယူပါဦး”လို့
နှလုံးသားကို လမ်းဘေးဈေးရောင်းသလို
ဘယ်တုန်းကအော်ရောင်းခဲဖူးလဲ?

မင်းမကြိုက်တဲ့ အ၀တ်အစား
တစ်ချိန်က ၀တ်ခဲ့တယ်
မင်းမနှစ်သက်တဲ့ ဆံပင်ပုံစံ
တစ်ချိန်ကထားခဲ့တယ်
မင်းကြည့်မရတဲ့ ဟိုတစ်ယောက်နဲ့
တစ်ချိန်က တွဲခဲ့တယ်

သံသရာဟာ လည်တတ်သလား
ပန်ကာဟာ လည်တတ်သလား

မင်းကိုလွမ်းတဲ့စိတ်နဲ့
ဒီဆေးလိပ် အခုဖြတ်ပြီ
ဒီအရက် လုံးဝ မသောက်တော့ဘူး
ဒီကွမ်း လုံးဝ မ၀ါးတော့ဘူး
အိပ်၍မပျော်သောညများနဲ့ ညတွေရဲ့အလယ်
မင်းကိုလွမ်းတဲ့စိတ်နဲ့
“လွမ်းစိတ်”ကို သတ်ချင်တယ်
သတ်မရဘူး။

အဝေးသစ်ပင်
ဆီးရွှင်နေသောကဗျာ
ညီမလေး မဖတ်ရ
စာသားက
“နှင်းဆီရနံ့သင်းတဲ့ အဝေးကလမင်းရေ
မင်းမျက်လုံးတွေ သိပ်လှတယ်”
လှတယ် သိပ်လှတယ်

ထက်မြက်တဲ့ ပန်းကလေး
မောင်သိပ်ချစ်ရတဲ့ ဂြိုဟ်ပြာလေး
မင်းကို လွမ်းတဲ့စိတ်နဲ့
ဖျော်ထားတဲ့ ကော်ဖီတွေလည်း အေးခဲကုန်ပြီ
မီးကင်ထားတဲ့ ပေါင်မုန့်တွေလည်းမီးကျွမ်းကုန်ပြီ

စိတ်ခံစားချက်သမားပါ
သံမဏိစည်းကမ်းပါ
တောင်ကုန်းပေါ်ကို ပြေးတက်ခဲ့တယ်
တောင်းကုန်းပေါ်က ပြေးဆင်းခဲ့တယ်

အခုတော့ မောင်ဟာ
မျောက် ရှားမီးခဲ ကိုင်မိသလိုလို
ငပိအိုးပေါ် တက်ထိုက်မသိလိုလို
အော်ငိုနေရပါသော မေတ္တာတရား စစ်စစ်ကြီး။ ။

နွယ်စိမ်းဝေ
(Heart)

လွမ်းလွမ်းရှိတာနဲ့ ဒီ့ထက်လွမ်းစရာမရှိနိုင်လောက်တဲ့ ကဗျာမျိုးပြန်ရှာဖတ်ဖို့
ဒီကဗျာကို ထိပ်ဆုံးကနေ သတိရ..
လွမ်းလွမ်းရှိတာနဲ့ ဘလော့မှာပါတင်ပေးလိုက်ပါတယ်..။

11 comments:

emayarKhin said...

ပက်ပက်စက်စက်လွမ်းမိနေတုံး
ဟောဒီကဗျာဖတ်ပြီး...အလွမ်းတွေ
ထိန်းမနိုင်သိမ်းမရ...ဒွတ်ခပါပဲ။။။

လင်းဒီပ said...

တစ်ယောက်တည်း လွမ်းတော့ပျင်းစရာ ကျွန်တော်ပါ လာကူ လွမ်းပေးသွားပါတယ်..။
တူနှယ့် တယ့်နှယ်..။:P

အိန္ဒြာ said...

လင်းဒီပတို့များ လွမ်းတာတောင် နတ်ကနား ဆိုင်းနဲ့

အမရာ...
ညီမလေး...သတိထားပါကွယ်

Moe Myint Tane said...

ပန်းပွင့်ကဗျာတွေ စေတော့သည်
တမ်းရစ်ခါနေ ကြွေတော့သည်
အလွမ်းနှင့်သာ နေတော့မည်..။

မောင်စိန်ဝင်း(ပုတီးကုန်း) ကဗျာလေးကိုတောင် သွားသတိရမိတယ်။ လွမ်းချက်ကတော့ ပက်စက်နေပါလားနော်။

စိတ်၏စေရာနာခံလေသော
မိုးမြင့်တိမ်

Mhu Darye said...

မင်းကိုလွမ်းတဲ့စိတ်မှာ
လေဟာ တိုက်သလိုလို မတိုက်သလိုလို
နေဟာပူသလိုလို မပူသလိုလို
မိုးဟာ ရွမလိုလို မရွာမလိုလို
ဘယ်လိုဥတုရာသီ မျိုးကြီးလဲ
တစ်နေ့ တစ်နေ့
ငါ့မှာ လုပ်စရာက ဒါပဲ


မင်းကိုလွမ်းတဲ့စိတ်နဲ့ ဒိုင်ယာရီအဟောင်းတွေ
ပြန်ရှာ
မင်းကိုလွမ်းတဲ့စိတ်နဲ့ ကဗျာအဟောင်းတွေ
ပြန်ဖတ်
မင်းကိုလွမ်းတဲ့စိတ်နဲ့ အပြီးမသတ်သေးတဲ့
သီချင်းတွေဆက်ရေး...............


မကြီးရေ.. ကဗျာကတော့ နေ့စဉ်မှူးဒါရီ လုပ်ရပ်တွေကိုများ သရုပ်ဖော်ထားလား ထင်ရအောင် တိုက်ဆိုင်တယ်။
အတော် ကြိုက်တယ်ဗျာ..။

Unknown said...

အစ်မရေ...ဟိုတစ်ညကမှ ကိုနွယ်စိမ်းဝေနဲ့ စကားတွေပြောဖြစ်ကြသေးတယ် ။ ပြင်ဦးလွင်ရဲ့ ကန်တော်ကြီးညထဲမှာပေါ့...သူ့ကိုတောင်ပြောမိသေးတယ် ..ကိုနွယ်ကြီး ..ကဗျာတွေအများကြီးရှိတာ ..ဘလော့တစ်ခုလောက်လုပ်ပါလားလို့ ....တိုက်တိုက်ဆိုင်ဆိုင် ခု အစ်မဘလော့မှာသွားတွေ့ရတယ် ...နေကောင်းပါစေ။

မမသီရိ said...

လွမ်းနေတုန်း .. လွမ်းနေတုန်း.. လွမ်းနေတုန်း..

သိင်္ဂါကျော် said...

ကဗျာဖတ်ပြီး လွမ်းချင်လိုက်တာ..
ဘယ်သူ့ကို လွမ်းရမှန်းတောင် မသိဘူး..

ဇွန်မိုးစက် said...

လွမ်းနေပါတယ်ဆိုမှ မမရယ်...း(

MANORHARY said...

နွယ်စိမ်းဝေလိုတော့မလွမ်းပါဘူး သူများကို
ကိုယ့်ကိုယ်ကိုပဲလွမ်းတယ် ..... ခုတလော ...း(

Anonymous said...

ဘယ်သူ့လွမ်းရမယ်မသိ..။