ငါးအသေကောင် လိုချင်ရင်
ဈေးမှာဝယ်ပါ
ကြောက်လန့်နေတဲ့ ငါးတစ်ကောင်လိုချင်ရင်
ပိုက်ကွန်တွေနဲ့ ဖမ်းပါ
ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာတပ်ပြီး မျှားပါ
အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ
ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ
ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ
အသက်ရှုသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင် ကိုရရှိမှာ
မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။
မြင့်မိုးအောင်
18 comments:
မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။..
မကြီးရေ မျှဝေပေးတာ ကျေးဇူး..
ကျောက်ဆောင်တခုလို ငြိမ်ငြိမ်လေး ရပ်နေမိပြီ။
ကဗျာကောင်းလေးတပုဒ်
ဖတ်သွားတယ်...မရေ...
ဝေမျှပေးတာကျေးဇူး....
မရဲ့ကဗျာလဲဖတ်ချင်သေး
တယ်လေ...လုပ်ဦး...
ချစ်ခင်စွာဖြင့်
အမရာ
မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။
စိတ်၏စေရာနာခံလေသော
မိုးမြင့်တိမ်
ကဗျာကောင်းလေးတွေကို အပင်ပန်းခံရိုက်ပြီး မျှဝေပေးတဲ့ မကို အရမ်းကျေးဇူးတင်ပါတယ်။ တကယ်။
အဆုံးမဲ့ချစ်တဲ့
=)
ကောင်းလိုက်တဲ့ ကဗျာလေးဗျာ.. Idea ကောင်းကောင်းလေးကို သဘောကျသွားပါတယ်..
yu ya
မမရေ...ကဗျာလေး ကောင်းလိုက်တာ..။
ကိုယ့်ဆရာအကိုကြီးကဗျာကိုဖတ်သွားပါတယ်
ဖတ်ဖူးပြီးသားပေမယ့် ဘယ်အချိန်ဖတ်ဖတ်ကောင်းနေပါတယ်
မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။
;)
ကဗျာလေးက အရမ်းကောင်းတယ်ဗျ.............
ငါဟာကျောက်ဆောင်တစ်ခုပေါ့
လမ်းမှားလာမဲ့ငါးအစစ်တစ်ကောင်ကို
စောင့်ကြိုနေခဲ့တယ်
သူတွန်းတိုက်တိုးခွေ့သွားဖို့
နှလုံးသားကိုတောင်အသင့်ပြင်ထားခဲ့ရဲ့
ဒါပေမယ့်
မူမမှန်တဲ့ ငါ့အသက်ရှူသံအောက်
ငါးကလေးပျောက်ဆုံးသွားမှာတော့
စိုးနေမိ.............
တစ်ချို့ဘဝတွေက မုန်တိုင်းထန်နေခဲ့ကြတယ်။
(ခပ်တည်တည်နဲ့ရေးချလိုက်ပြီ
ခွင်လွှတ်ပါတော့ကိုမြင့်မိုးရေ..:P )
မဖမ်းတော့ဘူး ကျွန်တော့်လက်ကို သူကိုက်တယ် ဖြစ်မှာစိုးလို့..:P
လန်းလှချည်လား ကဗျာက..
ညီဇေရေ..
မျှော်နေတာ..ဟ
အိန္ဒြာ
အပိုအလို မရှိ ကွက်တိ ရင်ထဲ ရောက်ပါ၏ ။
ကျနော်တော့ ငါးကင်ကပို ကောင်းမယ်ထင်တာပဲ
Post a Comment