ဘ၀သင်ပုန်း

တစ်ဘ၀စာ လေ့ကျင့်သင်အံဖို့
အမေလက်ဆောင်ပေးခဲ့တဲ့ သင်ပုန်းချပ်ထဲမှာ
ကျွန်တော့်ရဲ့ ဥာဏ်ပညာတွေက ရင့်သန်လို့
ကျွန်တော်ရင့်သန်ပြီထင်နေတဲ့
ဥာဏ်ပညာပေါ်မှာ..
ကျွန်တော့်ချစ်ခြင်းတရားက စီးမိုးလို့..။

ကျွန်တော်အခါခါ ရေးခဲ့ဖျက်ခဲ့တဲ့
ကျောက်သင်ပုန်းလေးမှာ
ကျွန်တော့်အမှားတွေက
အကြိမ်ကြိမ်စွဲထင်နေခဲ့တယ်..။

အမေလေ့ကျင့်ပေးခဲ့တဲ့
ဝလုံးဝိုင်းဝိုင်းလို
ဘ၀ကို ရိုးရိုးလေးလှပချင်ခဲ့တာ
အမေသင်ကြားပေးခဲ့တဲ့
ဂဏန်းသင်္ချာလို
အဖြေကို လွယ်လင့်တကူရချင်ခဲ့တာပါ..။

ကျွန်တော်ဟာ
ဘယ်နေရာကများ စမှားခဲ့တာလဲ..။

ကျွန်တော့်သင်ပုန်းချပ်ထဲမှာ
ကျွန်တော်ကိုယ်တိုင်ဖတ်မရနိုင်တဲ့
စာလုံးပေါင်းတွေနဲ့...
ကျွန်တော့်လေ့ကျင့်ခန်းတွေကလဲ
အဖြေမှားတွေချည်း ရရနေတဲ့
ဘ၀ပုစ္စာတွေနဲ့..

ကျွန်တော့် ညီမျှခြင်းတွေက
ဘယ်တော့မှ
မျှခြေအထိ မရောက်နိုင်ရှာပါဘူး မေမေရယ်..။

ကျွန်တော့်ဦးနှောက်က
အခါအခါငြင်းဆိုနေတဲ့ကောက်ကြောင်းတွေကိုမှ
ကျွန်တော့်နှလုံးသားက အကြိမ်ကြိမ်ရေးဆွဲချင်တဲ့အခါ..။

ဒီလိုပါပဲ...
ကျွန်တော့် သင်ပုန်းချပ်ပေါ်က
ကြက်ချေခတ်တွေဟာ..
ကျွန်တော်ကိုယ်တိုင် ခြစ်ချခဲ့တာပေါ့...။ ။

အိန္ဒြာ